Ndeye fundo didi milonga

Ndeye kudieji dia mito ya milonga yazonda

Ndeye gu mito ya milonga

Matemue a Yehowa

Kipende

Lujingu nu Mudimo wa Uklisto–Mukanda wa Gukalegela mu Gudibungisa  |  Juin 2017

 MAKALEGELO A UKLISTO

Nemesa Mikhuala ya Yehowa Yatadila Makalegelo Abonga

Nemesa Mikhuala ya Yehowa Yatadila Makalegelo Abonga

Yehowa Nzambi wasonegesele mikhuala yatadila makalegelo abonga athu adi naye gulandula. Wazuelele egi ulo udi gudibungisa gua yala nu mukhetu adi naye gujinga hamoshi uu nu gu gufua. (Mat 19:4-6, 9) Yehowa ganago gutshigina uthambi wa maluholo agasue. (1Kol 6:9, 10) Luko, wana guhana mikhuala yatadila luholo lua gusudiga nu lua gulonda muila, yene yana gukalagala egi akombeledi enji akhale agudisha nu athu ako.—Mikh 22:5; 1Tim 2:9, 10.

Mangino, athu avula anago gutumagela mikhuala ya Yehowa. (Lomo 1:18-32) Ana gubemba egi matangi a athu avula abolese makalegelo awo, luholo luawo lua gusudiga nu lua gulonda muila. Athu avula ana gudisunzula mu makalegelo awo abola, uvi ana gusegulula athu adi nu makalegelo abonga.—1Phet 4:3, 4.

Luholo tudi Matemue a Yehowa, tudi naye gunemesa mikhuala ya Nzambi idi muzuelela makalegelo abonga nu gikhesa giagasue. (Lomo 12:9) Luholo lutshi tuajiya guyikalagala? Tudi naye gujiyisa athu ndaga jiana gutshigina muene. Uvi, tudi naye luko gubamba mikhuala yenji ya makalegelo abonga mu lujingu luetu. Tufezegese gale. Tangua udi mutomba luholo lua gusudiga nu lua gulonda muila, dihule egi: ‘Mulele owu nga luholo elu lua gulonda muila ludi gudivua nu mikhuala ya Yehowa nga ya ha mavu awa? Luholo luami lua gusudiga nu lua gulonda muila luana gumonesa diago egi ngudi Muklisto wana guvuila Nzambi woma ba?’ Tangua udi mutomba filme nga emisio ya gutala, dihule egi: ‘Yehowa wana gusuanguluga nayo ba? Makalegelo atshi filme nga emisio yene idi musunzula? Luholo luami lua gudikenesa luana gungutuma ha gutuna ndaga jiabola, nga ha gujizumba? (Ngi 101:3) Filme nga emisio yene yajiya gulebesa enya fami yami nga aphangi ako mu nyuma ba?’—1Kol 10:31-33.

Mukunda natshi idi nu ndando egi tunemese mikhuala ya Yehowa yatadila makalegelo abonga? Gualeha ndo Yesu Klisto mbawushiya ifutshi nu athu agasue abola. (Ezek 9:4-7) Phamba athu ana gukalagala gutshigina gua Yehowa mbaahuluishiwa. (1 Yone 2:15-17) Hene, tunemesenu mikhuala ya Yehowa yatadila makalegelo abonga hagula egi athu adi mumona makalegelo etu abonga, atumbuise Nzambi.—1Phet 2:11, 12.

Badesizio ami mu ndaga yatadila gusudiga nu gulondega muila ana gumonesa itshi mukunda nu mikhuala yatalela makalegelo abonga?

TALENU VIDÉO DEVIENS L’AMI DE JÉHOVAHA—UN HOMME, UNE FEMME, GUNGIMA HANENU MVUTU GU MIHU EYI:

  • Mukunda natshi idi nu ndando egi tukalagale ndaga jidi gudivua nu mikhuala ya Yehowa?

  • Mukunda natshi mvuaji jidi naye gulongesa an’awo mikhuala ya Yehowa yatadila makalegelo abonga sendese ulenge wawo?

  • Luholo lutshi mavuala nu akulutu ajiya gukuatesa athu ha guheta gubonga gua khenda jia Nzambi?