Ndeye fundo didi milonga

Ndeye kudieji dia mito ya milonga yazonda

Ndeye gu mito ya milonga

Matemue a Yehowa

Kipende

Lujingu nu Mudimo wa Uklisto–Mukanda wa Gukalegela mu Gudibungisa  |  Juin 2017

 MAKALEGELO A UKLISTO

Gutshigina Guaye mu Malaji a Yehowa Gudi Guakola ba?

Gutshigina Guaye mu Malaji a Yehowa Gudi Guakola ba?

Yoshua nu Solomo atshiginyishile diago egi laji diagasue dia Yehowa diana gutagana. (Yosh 23:14; 1Maf 8:56) Mbimbi jiazuelele akombeledi awa mbadi a giamatshidia jidi gutukuatesa ha gukolesa gutshigina guetu.—2Kol 13:1; Tito 1:2.

Luholo lutshi Yehowa watagenesele malaji enji mu tangua dia Yoshua? Hangoshi nu fami yaye, talenu video idi nu muto wa lumene egi ‘Pas une seule parole n’a failli.’ Gungima, kambenu mvutu jia mihu eyi: (1) Luholo lutshi wajiya gulandula ndaga jiakalegele Lahaba jiamonesele gutshigina guenji? (Heb 11:31; Yak 2:24-26) (2) Luholo lutshi gifezegeselo gia Akana gidi mumonesa egi gushiya mikhuala ya Nzambi nu mutshima wagasue guana gubata malamba akola? (3) Enya gu dimbo dia Gibeona akhalele alui a yita, uvi mukunda natshi adimbile Yoshua nu akambele guhuima nu enya Isalele? (4) Luholo lutshi mbimbi jia Yehowa jiatagenesewe tangua mafumu atano a enya Amole akambele guluisa enya Isalele? (Yos 10:5-14) (5) Luholo lutshi Yehowa wagukuatesele tangua washile ndaga jia mu nyuma ha fundo dia thomo mu lujingu luaye?—Mat 6:33.

Gula tuatangiza ndaga jiagasue jiatukalegele gale Yehowa, eji adi gutukalegela nu jinyi mbawutukalegela, gutshigina guetu mu malaji enji mbagukola diago.—Lomo 8:31, 32.

Udi nu gutshigina gifua guakhalele nago Yoshua ba?