Ndeye fundo didi milonga

Ndeye kudieji dia mito ya milonga yazonda

Ndeye gu mito ya milonga

Matemue a Yehowa

Kipende

Lujingu nu Mudimo wa Uklisto–Mukanda wa Gukalegela mu Gudibungisa  |  Juin 2016

 UMONYI UDI MU MBIMBI YA NZAMBI | NGIMBO 34-37

Zegemena Gudi Yehowa Utshite Ndaga Jiabonga

Zegemena Gudi Yehowa Utshite Ndaga Jiabonga

‘Uvuilago . . . atshitshi a ndaga jiabola ginjongo’

37:1, 2

  • Ubembigo egi gusuanguluga gua atshitshi a ndaga jiabola gugulebese muila ha gukombelela Yehowa. Haga matangi aye mu ndaga jia mu nyuma, nu mu ukuateshi udi mukatuga gua Yehowa

“Zegemena Gudi Yehowa, Utshite Ndaga Jiabonga”

37:3

  • Sha mutshima egi Yehowa mbawugukuatesa ha gumanesela gikenene giaye. Muene mbawugukuatesa ha gukhala nu gutshigina

  • Khala mulongesa lukuma luabonga lua Ufumu wa Nzambi tangua diagasue

‘Kamba gusuanguluga guaye gudi Yehowa’

37:4

  • Khala gutanga nu gutangigiza mbimbi ya Nzambi tangua diagasue, sha mutshima egi mbawujiya Yehowa muabonga

‘Dihane gudi Yehowa’

37:5, 6

  • Tshigina nu mutshima umoshi egi Yehowa mbawugukuatesa mu tangua dia malamba

  • Khala nu khadilo diabonga tangua dia umbalagaji, tangua adi gugumonesa lamba, nga tangua agumbila mambo

‘Khala nu guhuiminyina gu phala ya Yehowa, unengenene ndaga mbayitshita Yehowa’

37:7-9

  • Lenga makalegelo abola ajiya gumanesela gusuanguluga guaye nga gukalagala egi Yehowa agubambigo luko mu nyuma

‘Athu adi mudibulumuisa mbaasala ha mavu’

37:10, 11

  • Khala nu khadilo dia guhuiminyina, nengenena nu gudibulumuisa guagasue tangua mbadikatula Yehowa ndaga jiagasue jiabola jiwudi mumona

  • Kuatesa aphangi aklisto, khala luko gukalegela laji diahanele Nzambi mukunda nu mavu ahe-ahe ha guhana gikhesa gudi athu adi mumona malamba

Ufumu wa Masiya Mbawukalagala Ndaga Jiabonga Jiavula