Aklisto ana gumonewa gudi ‘athu agasue ha mavu.’ (1Kol 4:9) Hene, yanago gutuyitugisa ha gumona egi tangua tuana gulongesa inzo nu inzo, athu ako ana gutukuelela ha fenetre jia jinzo jiawo, ana gututegelela gungima dia ijidigo yawo. Jinzo jiko jiakhala nu telefone nu kamera gajiya gumona nu gunginyisa ndaga ngenji jiajiya guzuela. Ajiya nji gutumona nu gututegelela. Tala luholo tuajiya gumonesa makalegelo abonga tangua tudi ha mufulo wa inzo ya muthu.—2Kol 6:3.

MU MAKALEGELO AYE (Fili 1:27):

  • Nemesa fumi’a inzo; gukuelela ndo mukatshi dia inzo. Tangua udi ha mufulo wa inzo ya muthu, ukhadigo mudia, gunua nga guta maga gu telefone nga gusonega mesaje

MU NDAGA UDI MUZUELA (Ef 4:29):

  • Tangua udi ha mufulo wa inzo ya muthu, uzuedigo nga gima gimoshi giajiyilego gusuanguluisa enya inzo. Alongeshi ako ana gubemba guta maga hagula atangize ndaga jiabonga ajiya guzuela

Mu maluholo atshi ako wajiya gumonesa makalegelo abonga tangua udi ha mufulo wa inzo ya muthu?