2:2, 3

“Mu masugu adi muza”

Masugu awa tudi mujinga mangino

“Mulundu udi nzo ya [Yehowa]”

Gikombelelo gia Yehowa gia giamatshidia

“Ifutshi yagasue mbayidihuhua ha guya guene”

Athu agasue ana guza mu gikombelelo gia giamatshidia ana gujinga hamoshi

“Jienu! Tuyenu gu mulundu wa [Yehowa]”

Akombeledi a giamatshidia ana gutamega athu ako haguza mukombelela hamoshi nawo

“Muene mbawutulongesa idi muene mutshigina ha esue gutshita. Mbatuwenda munjila idi muene mututuala”

Yehowa wana kalegela Biblia ha gutulongesa nu gutukuatesa ha guwenda mu njila yenji

2:4

“Mbagadilondjigo ha guya mulua ita”

Yeshaya wamonesele luholo phogo jia khusa mbajifudiwa ima ya gudimina. Idi mukotelesa egi akombeledi a Yehowa mbaalandula gujinga muguhuima. Mu tangua dia Yesheya, ima yene ya gudimina yakhelele itshi?

‘Phogo jia khusa mbajifudiwa matemo’

Temo diakhalele mukuatesa ha gudima mihanga. Matemo ako akalegewe nu wutadi.—1 Sam 13:20

“Milumbu mbaayifula phogo jia gusaguila thango jia mitshi”

Yajiya gukhala egi phogo ya gusaguila thango jia mitshi yakhalele yagufuguga enji nu muhunyi. Athu akhalele mukalegela phogo yene ah gukoka vinyo.—Yesh 18:5