Ndeye fundo didi milonga

Ndeye kudieji dia mito ya milonga yazonda

Ndeye gu mito ya milonga

Matemue a Yehowa

Kipende

Lujingu nu Mudimo wa Uklisto–Mukanda wa Gukalegela mu Gudibungisa  |  Avril 2017

 MAKALEGELO A UKLISTO

Ayambenu nu Gusuanguluga Guagasue

Ayambenu nu Gusuanguluga Guagasue

Akuatshi tudi naye guyamba nu gusuangulunga guagasue? Athu agasue eza mu gudibungisa guetu gua mu hungu giphungu giathomo nga ana guza gale sendese mualeha. (Lomo 15:7; Heb 13:2) Tuajiya nji guyamba aphangi akatuga mu gifutshi giko, nga Muklisto mumoshi walebele gale mu nyuma ivo yavula, uvi weza luko mu gudibungisa. Tangiza luholo wajiya gudivua gula udi ha fundo dia athu ene. Nga wukhale ha fundo diawo, wajiyilego gutshigina egi aguyambe nu gusuanguluga guagasue ba? (Mat 7:12) Hene, gutuama nga gungima dia gudibungisa, kalagala ngolo ha gumenega aphangi mu Inzo ya Ufumu. Gukalagala luholo luene, guana gubata gusuanguluga nu guzumba mu hungu; guana gutumbuisa nji Yehowa. (Mat 5:16) Idi yadiago egi tuajiyilego guta maga nu athu agasue adi mu gudibungisa gua mu hungu. Uvi, athu agasue mbaadivua muabonga gula mukut’etu agasue tudi mukalagala ngolo ha guaayamba. *

Tudi naye guyamba athu muabonga tangua diagasue, uvi ishigo phamba mu sungi imoshi, gifua tangua dia gudibungisa gua gufua gua Yesu. Gula athu eza mu gudibungisa gua mu hungu giphungu gia thomo amona diago egi tuana gudizumba, yajiya guaatuma ha gutumbuisa Nzambi nu gungina mu gikombelelo gia giamatshidia.—Yone 13:35.

^ par. 3 Biblia idi gututunyisa ha guta maga nu athu azolewe mu hungu nga azudile desizio dia gubemba organizasio.—1Kol 5:11; 2Yone 10.