Ndeye fundo didi milonga

Ndeye kudieji dia mito ya milonga yazonda

Ndeye gu mito ya milonga

Matemue a Yehowa

Kipende

Lujingu nu Mudimo wa Uklisto–Mukanda wa Gukalegela mu Gudibungisa  |  Aout 2016

 LUJINGU LUA UKLISTO

Longesa Giamatshidia

Longesa Giamatshidia

Sendesa mu mbeji ya Septembre, mu Mukanda wa Gukalegela mu Gudibungisa gua Lujingu nu Mudimo wa Uklisto, mugitshinyi luholo lua guhana mikanda mbagulundjiwa gitshinyi gihe-gihe gidi nu muto wa lumene egi “Longesa Giamatshidia.” Felela dietu mbadikhala diagukalegela muhu nu verse imoshi ya Biblia mukunda nu gulongesa giamatshidia gia ndando gidi mu Biblia.

Gila tuamona egi muthu wasuanguluga nu giamatshidia, tuajiya gumubembela mukanda nga gumutalesa video ya jw.org, ngenyi mbatuheta njila ya gumuvutugila luko. Tudi naye guvutugila muthu gu ngima dia masugu a zonda haguzuelela ndaga tuazuelele nenji masugu abalega. Maluholo ahe-ahe a guhana mikanda nu ndaga jiajiya gukalagala muthu udi mulonguga Biblia, mba’akatuga mu mbimbi jiazonda jia mukhapho wa mukanda Itshi Biblia Yajiya Gutulongesa. Mu mukanda wene, tuajiya gumona mihu nu verse jiko jia Biblia jiajiya gutukuatesa haguvutugila athu nga hagutuameza ulongugi wa Biblia, ngenyi mbatukalegela phamba Biblia.

Njila imoshi phamba yana tuameza gu monyo wa mayilago. (Mat 7:13, 14) Handaga tuana guta maga nu athu adi nu ndaga jia lujingu nu ikombelelo ya gudisha, tudi naye guawambela giamatshidia giajiya gusuanguluisa muthu mumoshi-mumoshi mukatshi diawo. (1 Tim 2:4) Luholo tuajidila gale nu maga agudisha a Biblia nu tuakudishile gale luholo luetu lua guzuela “muabonga mulondo wa giamatshidia,” gusuanguluga guetu mbagukola, enji mbatubinga gulongesa athu ako giamatshidia.2 Tim 2:15.