Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

DE WEBSIED JW.ORG

Woo kaun eena JW.ORG opp een Fon ooda Tablet brucken?

Woo kaun eena JW.ORG opp een Fon ooda Tablet brucken?

De Websied jw.org kaun eena opp eenen Komputa, oba uk opp een Fon ooda Tablet brucken. Oba wiels de Fons un Tablets kjlanda sent, es de Websied doa een beskje aundasch oppjestalt, daut dee hendja to brucken es. Hia jeit to läsen, woo eena dee dan brucken kaun.

 Woo eena de Menus brucken kaun

Opp eenen Komputa kaun eena emma bowen daut Hauptmenu seenen un aun de linkje Kaunt daut Unjamenu.

Oba wiels de Fons un Tablets kjlanda sent, sent aule Menus doa aune Kaunt to seenen. Un wan dee jroz nich jebrukt woaren, sent dee nich to seenen, soo daut eena daut äwaje fein seenen kaun.

  • Drekj opp dän Knups Menu, daut daut Menu doa väakjemt ooda wajchjeit. Wan du opp een Poat von daut Menu drekjst, kjemst du no de Aunfangssied von daut Poat.

  • Drekj opp dän Knups List opmoaken, daut du daut Unjamenu von een jewesset Poat seenen kaust. Wan du dan opp een Poat von daut Unjamenu drekjst, kjemst du no de Aunfangssied von daut Poat.

  • Drekj opp dän Knups List toomoaken, daut daut Unjamenu von een jewesset Poat wajchjeit.

  • Drekj opp dän Knups JW.ORG, daut du no de Aunfangssied von de Websied kjemst.

  • Drekj opp dän Knups Sproak utwälen, daut du de List met de Sproaken seenen kaust.

  • Drekj opp dän Knups Sieekjen, daut du opp de Websied waut sieekjen kaust.

 Woo eena sikj en eenen Artikjel ooda Kapitel romfinjen kaun

Wan du opp eenen Komputa een Kapitel ooda eenen Artikjel läsen deist, es doa emma uk de Enhaultslist to seenen. Oba bie een Fon ooda Tablet es de Enhaultslist nich to seenen.

  • Drekj opp dän Knups Enhaultslist wiesen, wan du de Enhaultslist seenen west. Doa kaust du dan opp eenen Artikjel ooda een Kapitel drekjen, wan du daut utwälen west.

  • Drekj opp dän Knups Väajet, wan du no dän väajen Artikjel ooda Kapitel gonen west.

  • Drekj opp dän Knups Näakjstet, wan du no dän näakjsten Artikjel ooda Kapitel gonen west.

  • Drekj opp dän Knups Enhaultslist tosied lajen, daut de Enhaultslist wajchjeit un du wieda en dän Artikjel ooda en daut Kapitel läsen kaust.

 Woo eena de Bibel online läsen kaun

Sieekj en BIEEKJA UN MEA > BIBEL un drekj opp dän Knups Online läsen. Ooda drekj opp de Aunfangssied gaunz unjen bie “LÄSEN OODA RAUFLODEN” opp dän Link “De Bibel”.

Sieekj die en de Striep toom utwälen een Bibelbuak un Kapitel von de Listen ut un drekj opp dän Knups Oppschlonen.

Äwadäm, daut du een Kapitel läsen deist, es de Striep toom utwälen bie daut Menu to seenen, soo daut du leicht no een aundret Kapitel gonen kaust.

  • Drekj opp dän Knups Loosspalden, wan du de Striep toom utwälen nich dän tietäwa bie daut Menu haben west. Dan woat doa mea Rum fa daut Bibelkapitel sennen, waut du läsen deist. Wan du dan een aundret Kapitel utwälen west, motst du ieescht no dän Aunfank ooda no daut Enj von de Sied gonen.

  • Drekj opp dän Knups Aunspalden, wan du de Striep toom utwälen wada dän tietäwa bie daut Menu seenen west.

  • Drekj opp dän Knups Enhaultslist wiesen, wan du de List von de Bibelbieekja seenen west.

  • Drekj opp dän Knups Väajet, wan du no daut väaje Kapitel gonen west.

  • Drekj opp dän Knups Näakjstet, wan du no daut näakjste Kapitel gonen west.

  • Drekj opp dän Knups Enhaultslist tosied lajen, daut de Enhaultslist von de Bibel nich mea to seenen es.

 Woo eena eenen oppjeschnakten Artikjel horchen kaun

Wan daut eenen Artikjel oppjeschnakt jeft, es doa de Audio-Striep to seenen.

  • Drekj opp dän Knups Aufspälen, daut du daut oppjeschnakte hieren kaust.

  • Drekj opp dän Knups Pause, wan du daut oppjeschnakte opphoolen west. Wan du daut wada hieren west, dan drekj opp Aufspälen.

  • Du kaust de Schitz no väaren ooda no hinjen schuwen, wan du no eene jewesse Städ von daut oppjeschnakte komen west.

Wan du daut oppjeschnakte horchen un äwadäm dän Artikjel läsen deist, es de Audio-Striep emma bie daut Menu to seenen. Soo kaust du daut oppjeschnakte opphoolen un uk wada horchen, onen daut du dän Artikjel, waut du jeläst hast, no bowen ooda unjen schuwen motst.