Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

DE WEBSIED JW.ORG

Woo kaun eena Bieekja un aundret finjen?

Woo kaun eena Bieekja un aundret finjen?

Bie BIEEKJA UN MEA jeft daut väl Bieekja, Sachen toom aunhorchen un Videos. Hia jeit to läsen, woo eena daut finjen kaun, no waut eena sieekjt.

 Woo kaun eena een jewesset Buak finjen?

Wan eena dän Tietel weet ooda Wieed, waut en dän Tietel stonen, kaun eena daut soo aus dit finjen:

Sieekj en BIEEKJA UN MEA > BIEEKJA, HEFTA UN BLÄDA.

  • Drekj opp dän Kausten, wua Aules steit un schriew doa een Wuat von dän Tietel nenn. Wan du biejlikj daut Buak Waut lieet de Schreft werkjlich? sieekjen west, dan schriew doa “Schreft” nenn. Dan woat doa eene List väakomen von dee Bieekja, wua daut Wuat “Schreft” em Tietel steit, un du kaust daut Buak utwälen, no woont du sieekjst.

  • Drekj opp dän Knups Sieekjen.

 Woo kaun eena eene jewesse Tietschreft finjen?

Sieekj en BIEEKJA UN MEA > TIETSCHREFTEN.

Opp dise Sied sent jeweenlich de vea nieste Utgowen von Erwachet! un Der Wachtturm (Utgow fa aulemaun) to seenen un de acht nieste Utgowen von Der Wachtturm (Utgow fa daut Studium) un Der Wachtturm (opp leichtre Sproak). (Nich opp jieda Sproak jeft daut aul dise Tietschreften.) Wan du eene jewesse Tietschreft finjen west, dan kaust du daut soo doonen, aus daut hia aunjejäft es:

  • Wäl die en de Kaustes ut, no woone Sort Tietschreft du sieekjst un von woon Joa dee sennen saul.

  •   Drekj opp dän Knups Sieekjen.

Woo kaun eena seenen, en woone Formaten daut jewesse Bieekja un aundret jeft?

Daut jeft tweeatlei Aunsechten toom de Bieekja un aundret seenen. Dee kjennen eenrieejich ooda mearieejich jewäsen woaren.

Wan du opp dän Knups biesied daut Wuat “Aunsecht” drekjst, kaust du tweschen eenrieejich un mearieejich switschen. Jeweenlich es de Aunsecht opp mearieejich jestalt. Doa es kort toopjefot, en woone Formaten daut de Bieekja un Audiodateien jeft.

Bie de mearieeje Aunsecht kaust du emma daut Tietelbilt, de kjliene Knupsen toom raufloden ooda aunhorchen un dän Tietel von daut Buak ooda Blaut seenen. Wan du met de Musfeil äwa eent von de kjliene Knupsen foascht (ooda opp dien Fon ooda Tablet opp eenen Knups drekjst) kaust du seenen, en woone Formaten du daut raufloden kaust (entwäda toom läsen ooda aunhorchen).

Wan du opp dän Knups biesied daut Wuat “Aunsecht” drekjst, kaust du de Aunsecht opp eenrieejich switschen.

Bie de eenrieeje Aunsecht kaust du aul de Formaten seenen, en woone daut een Buak, Blaut ooda eene Audiodatei jeft.

Eenje Bieekja jeft daut uk noch en aundre Utgowen, biejlikj en groot. Wan du opp een Dateiformat drekjst (biejlikj PDF), kjemt doa een Kausten väa, waut doa wiest, woone Utgowen daut von een jewesset Buak jeft. Drekj dan opp dee Utgow, waut du raufloden west.

 Woo kaun eena mea äwa een jewesset Teema finjen?

Du kaust opp Sieekjen drekjen, wan du opp de Websied een Kapitel ooda eenen Artikjel finjen west, wua een jewesset Wuat ooda jewesse Wieed bennen stonen.

Wan du opp daut Tieekjen fa Sieekjen drekjst, dan kjemt doa een Kausten väa, wua du daut Wuat ooda de Wieed, waut du finjen west, nenschriewen kaust. Dan drekj opp dän Knups Sieekjen. Wan du miere Wieed ooda Saza kjanst, waut en dän Takjst väakomen, schriew dee doa aula nenn. Soo kjemt de Artikjel ooda daut Kapitel, no waut du sieekjst, en de List met daut jefungne wieda no bowen.

Wan du bloos en Bieekja, Hefta, Bläda, Videos un Audiodateien sieekjen west, dan kaust du daut soo aus dit doonen:

  • Drekj opp Noch mea toom utwälen ooda opp Bloos en wesset sieekjen.

  • Drekj bie de Äwaschreft En waut west du sieekjen? opp Bieekja, Videos un soo wieda.

  • Drekj opp dän Knups Sieekjen.