Trigj nom Enhault

Offizen un Besuchstunden

Du kaust die wellich onse Offizen un Drekjarieen beseenen. Hia kaust du de Adrassen finjen uk wanea de Besuchstunden sent.

 

Een Hanwies wäajen dän Coronavirus (COVID-19): En väl Lenda kjennen se sikj nu jroz nich daut Betel beseenen. Wan du mea weeten west, dan kaust du wellich met daut Betel räden, waut du die wurscht wellen beseenen.

Sied-Afrika

Sikj aunjäwen toom eene Offiz beseenen

Saul eena sikj aunjäwen, ea eena sikj eene Offiz beseenen well? Jo. Daut doa nich too väl opp eemol komen un daut aule daut goot utnutzen kjennen, es daut needich, daut aule, waut doa wellen kjikjen komen, sikj aul em verut aunjäwen, endoont woo väl daut sent. Jeff die oppet weinichste aul eene Wäakj em verut aun. Wan de Menschen Heljedoag haben, dan wudd daut goot sennen, sikj aul noch wieda em verut auntojäwen.

Wan eena sikj nich aunjejäft haft, kaun eena sikj de Offiz doawäajen beseenen? Wan jie junt nich aunjejäft haben, dan kaun daut sennen, daut et nich schauft. Wäajen doa nich soo väl Rum es, rieekjt daut nich ut, daut doa too väl Menschen opp eemol kjennen kjikjen komen.

Wanea wudd eena sellen aunkomen? Wie roden junt too, nich lenja aus eene Stund ea to komen, aus jie junt aunjejäft haben, daut doa nich too väl opp eemol komen.

Woo kaust du die aunjäwen? Drekj opp dän Knups “Jeff die aun”.

Kaun eena daut endren ooda aufbestalen, wan eena sikj eemol aunjejäft haft? Jo. Drekj opp dän Knups “See ooda enda daut, waut du aunjejäft hast”.

Waut, wan de Dotems aul nich frie sent, waut die jankad? Doo emma wada noseenen, wiels eenje doonen äa Dotem endren ooda aufbestalen.

Wua de Offiz es

1 Robert Broom Drive East

Rangeview

KRUGERSDORP

1739

SOUTH AFRICA

+27 11-761-1002

E-mail: InboxBTHLTours.ZA@jw.org

Jast-Stow: Aum Aunfank kaun eena een Video seenen un dan woat eenem daut Betel jewäsen. Wan eena sikj daut Betel besitt, dan woaren doa uk miere Videos jewäsen, waut doa aules jedonen woat un woo daut Betel onse Aunbädunk unjastetten deit. De Kjinja woat daut uk scheen gonen, daut see doa bie de Akj “Sie Jehova sien Frint” kjennen met Jäapa un Eevje toop Bilda moaken.

Drekjarie 2: Doa woaren dree Videos jewäsen, waut doa wiesen, woo goot daut es, daut opp de Sproaken von hia Bieekja äwasat un jedrekjt woaren. Doa kaun eena seenen, woo de Drekjmaschienen schaufen. Doa es eene Utstalinj von ieeschtemma, woo Gott sien Nomen en eenje Biblen jebrukt wort. Dee sent opp veschiedne Sproaken, waut hia jerät woaren.

Drekjarie 3: Eena kaun daut doa aula seenen, wua de Bieekja aufjeschekjt woaren, un doa es eene Utstalinj, wua eena seenen kaun, wua de Bieekja hangonen. Doa woaren Videos jewäsen von daut Buwoakj von de Vesaumlungshiesa un woo de Bieekja wajchjeschekjt woaren un woo doa met Audio un Video jeschauft woat.

De Städ toom vereiwen: Opp dise Städ, waut soo es aus een Park, kaust du daut äten, waut du die metjebrocht hast. Hia kjennen uk de Bossen stellhoolen un wan de Menschen Heljedoag haben, dan kaust du dien Foatich hia stonen loten.

Opp un dol komen: Tweschen de veschiedne Jebieda, waut eena sikj beseenen kaun, foaren Bossen.

Besondret, waut en dise Offiz jedonen woat

Hia woaren Bieekja, Tietschreften, Hefta un Zeichnisbläda opp mea aus 150 Sproaken jedrekjt un foadich jemoakt. Von hia woaren uk Bieekja no dusende Vesaumlungen en 20 Lenda jeschekjt. Hia woat de Bibel un uk biblische Bieekja äwasat opp äwa 20 Sproaken. Derch de Aufdeelunk fa daut Buwoakj kjemmat daut Betel sikj om daut buen von Vesaumlungshiesa en 42 afrikaunische Lenda.

Betelbuakje raufloden