Trigj nom Enhault

No daut Unjamenu gonen

Jehova siene Zeijen

Plautdietsch

Wuarom doonen Jehova siene Zeijen nich Oostren fieren?

Wuarom doonen Jehova siene Zeijen nich Oostren fieren?

Iedeeen, waut väle haben

Waut jesajcht woat: Jehova siene Zeijen fieren nich Oostren, wiels dee nich aun Jesus Christus jleewen.

Woo daut es: Wie jleewen, daut Jesus Christus ons Heilant ooda Rada es, un wie bemieejen ons, “en siene Footspoaren [to] gonen” (1. Petrus 2:21, De Plautdietsche Bibel; Lukas 2:11).

Waut jesajcht woat: Jie jleewen nich, daut Jesus vom Doot oppjestonen es.

Woo daut es: Wie jleewen aun Jesus sien Oppstonen vom Doot; wie weeten, daut daut eene Gruntlia vom Christengloowen es un daut lia wie de Menschen uk, wan wie prädjen (1. Korinta 15:3-4, 12-15).

Waut jesajcht woat: Jie jäwen doa nuscht om rom, daut june Kjinja de scheene Oostren nich haben kjennen.

Woo daut es: Wie jleichen onse Kjinja un wie bemieejen ons sea, dee to lieren un doano to seenen, daut dee daut scheen jeit (Titus 2:4).

Wuarom doonen Jehova siene Zeijen nich Oostren fieren?

  • Oostren fieren kjemt nich von de Schreft.

  • Jesus jeef siene Nofolja daut Jeboot, aun sienen Doot to denkjen, nich aun sien Oppstonen vom Doot. Wie fieren dän Aunjedenkjsdach aun Jesus sienen Doot jieda Joa aun dän Dotem, wua daut no dän oolen biblischen Kalenda no wia (Lukas 22:19-20).

  • Wie sent ons secha, daut Gott kjeenen Jefaulen aun Oostren haft, wiels de Sitten, waut bie Oostren Mood sent, von oole heidnische Fruchtboakjeitssitten häakomen. Gott well, daut wie bloos am auleen aunbäden sellen, un hee nemt onse Aunbädunk nich aun, wan wie doabie waut doonen, waut hee nich fa goot talt (2. Mose 20:5; 1. Kjennichs 18:21).

Wie sent ons secha, daut onse Entscheidunk, nich Oostren to fieren, met de Bibel stemt. Wie wellen nich eefach daut doonen, waut aule aundre doonen; de Bibel sajcht: “Hool die aun de Weisheit, kjikj emma doano daut du Sachen vestonen kaust” (Spricha 3:21, De Plautdietsche Bibel; Matäus 15:3). Wan ons wäa frajcht, woo wie äwa Oostren denkjen, dan laj wie dän daut wellich ut, oba wie woaren kjeenem bemotten, sikj krakjt soo to entscheiden aus wie (1. Petrus 3:15).

 

Noch mea doaräwa

EENE GOODE NORECHT VON GOTT

Aun waut es de woara Gloowen to kjanen?

Jeft daut mau eenen woaren Gloowen? Hia kaust du fief Sachen seenen, aun waut de woara Gloowen to kjanen es.