Trigj nom Enhault

No daut Unjamenu gonen

Jehova siene Zeijen

Plautdietsch

Woo väl Jehova siene Zeijen jeft daut oppe gaunze Welt?

Woo väl Jehova siene Zeijen jeft daut oppe gaunze Welt?

Berecht fa daut Deenstjoa * 2016

Woo väl Jehova siene Zeijen daut oppe gaunze Welt jeft

8 340 982

Vesaumlungen

119 485

En woo väl Lenda dee prädjen

240

Woo tal jie, woo väl jie sent?

Wie talen bloos dee fa Jehova siene Zeijen, waut jieda Moonat de goode Norecht von Gott sien Rikj prädjen (Matäus 24:14). Daut sent soone, waut sikj haben aus Jehova siene Zeijen deepen loten, un uk soone, waut noch nich jedeept sent, oba aul de Frieheit jekjräajen haben, prädjen to gonen.

Mott eena Gowen jäwen, wan eena well eent von Jehova siene Zeijen sennen?

Nä. Gowen haben nuscht doamet to doonen, aus eena to eent von Jehova siene Zeijen talt ooda aus dee en onse Organisazion eene besondre Oppgow ooda een besondret Aumt kjricht (Aposteljeschicht 8:18-20). Bie de mieeschte Gowen weet wie nich mol, wäa dee jejäft haft. Jieda eena von Jehova siene Zeijen jeft von siene Tiet, Krauft un waut dee sest noch haft, om ons Woakj oppe gaunze Welt to unjastetten. Jieda eena jeft daut, waut hee jäwen kaun un well (2. Korinta 9:7).

Woo weet jie, woo väl doa jieda Moonat prädjen?

Jehova siene Zeijen jäwen jieda Moonat eenen Berecht von äaren Prädichtdeenst aun äare Vesaumlunk un daut es friewellich.

De Berechten woaren aula toopjetalt un dan schekjen de Vesaumlungen dee Zolen no de Offiz von Jehova siene Zeijen, waut äwa äa Launt aunjestalt es. De Offiz schekjt de volle Sommen von daut Launt ooda de Jäajent dan no onse Hauptoffiz.

Aum Enj von jieda Deenstjoa * woat daut nojeseenen, woont daut hechste Numma von Jehova siene Zeijen en jieda Launt jewast es. Dee Nummasch woaren toopjetalt un dan weet wie, woo väl Jehova siene Zeijen daut oppe gaunze Welt jeft. En daut Jahrbuch der Zeugen Jehovas finjt eena fa jieda Launt dän Berecht von daut Prädichtwoakj. Doa sent uk Erfoarungen bennen. Daut to läsen jeft ons Moot. Biejlikj soo wia daut bie de ieeschte Christen (Aposteljeschicht 2:41; 4:4; 15:3).

Tal jie uk soone, waut met junt waut to doonen haben, oba nich prädjen?

Wan wie soone uk nich aus Jehova siene Zeijen talen, sent dee oba sea welkom en onse Vesaumlungen. De mieeschte von dee komen biejlikj no daut Aundenkjen aun Jesus sienen Doot, waut wie jieda Joa haben. Wie weeten ojjefäa, woo väl von dee doa hankomen, wan wie daut tooptalen, woo väl doa met aules toop wieren, un dan de Zol auftrakjen, woo väl Jehova siene Zeijen daut jeft. Aune 2016 wieren bie daut Aundenkjen aun Jesus sienen Doot 20 085 142.

Wie doonen uk met aundre emsonst de Bibel studieren, un väle jleichen daut, wan dee uk nich no onse Toopkomes komen. En daut Joa 2016 worden doa em Derchschnett jieda Moonat 10 115 264 Bibelstudiums derchjefieet, un bie eenje Studiums wieren miere Persoonen bie.

Wuarom haft de Rejierunk hechre Zolen, woo väl Jehova siene Zeijen daut jeft, aus jie?

De Rejierungen talen daut jeweenlich aundasch aus wie, wiels dee de Menschen bloos froagen, to woone Jemeent see jehieren. Biejlikj sajcht de stätsche “Census Bureau”, daut see de Menschen befroagen, “om uttofinjen, aus dee sikj to eene jewesse Jemeent talen”. Dee sajen uk, daut äare Zol, waut see kjrieen, sikj nich doano recht, wua de Menschen werkjlich bie Jemeent sent, oba doano, waut jieda eena von sikj selfst sajcht. Oba wie talen dee fa Jehova siene Zeijen, waut prädjen un doavon eenen Berecht jäwen, un nich dee, waut bloos sajen, daut see eent von Jehova siene Zeijen sent.

^ Varsch 2 Een Deenstjoa fangt dän 1. Septamba aun un hieet dän 31. August von daut näakjste Joa opp. Biejlikj funk daut Deenstjoa 2015 dän 1. Septamba 2014 aun un hieed dän 31. August 2015 opp.

^ Varsch 16 Een Deenstjoa fangt dän 1. Septamba aun un hieet dän 31. August von daut näakjste Joa opp. Biejlikj funk daut Deenstjoa 2015 dän 1. Septamba 2014 aun un hieed dän 31. August 2015 opp.