Trigj nom Enhault

No daut Unjamenu gonen

Jehova siene Zeijen

Plautdietsch

Woo drajcht daut Woakj von Jehova siene Zeijen sikj?

Woo drajcht daut Woakj von Jehova siene Zeijen sikj?

Ons Prädichtwoakj drajcht sikj hauptsechlich derch friewelje Gowen von Jehova siene Zeijen. Bie ons brukt kjeena dän Tieenden betolen un en onse Toopkomes woat uk nich Jelt jekollakjt (Matäus 10:7-8). Wäa doa well, kaun Jelt en de Gowenkaustes enlajen. Doa woat nich bekauntjemoakt, wäa enjelajcht haft.

Daut jeft miere Jrind, wuarom Jehova siene Zeijen nich soone huage Onkosten haben. Biejlikj bruck wie onse Gloowesleidasch nich betolen, wie nämen doa uk nuscht fa, wan wie von Hus to Hus prädjen un onse Vesaumlungshiesa sent nich äwamotich dia jebut.

To waut woaren de Gowen jebrukt, waut no Jehova siene Zeijen äare Offizen jeschekjt woaren? Dee woaren jebrukt om deejanje to halpen, waut derch een Ojjlekj ooda Owwada Schoden jeläden haben, om Missionoaren un reisende Oppsechta to unjastetten, om en oame Lenda Jebieda fa onse Toopkomes to buen un om Biblen un biblische Bieekja to drekjen un uttoschekjen.

Jieda eena kaun entscheiden, aus hee Gowen jäwen well fa de Onkosten von daut Vesaumlungshus, fa daut Woakj oppe gaunze Welt ooda fa beides. Aule jewesse Tiet jeft daut dan eenen Berecht äwa de Gowen un Onkosten, waut jieda eena von de Vesaumlunk läsen kaun.

Noch mea doaräwa

WAUT FOAKEN JEFROACHT WOAT

Video: Woo daut Woakj von Jehova siene Zeijen sikj drajcht

Kjikj, woo daut Woakj derch friewelje Gowen unjastett woat.