Trigj nom Enhault

No daut Unjamenu gonen

Jehova siene Zeijen

Plautdietsch

Jleewen Jehova siene Zeijen, daut Gott de Welt en sas Doag von 24 Stund jemoakt haft?

Jleewen Jehova siene Zeijen, daut Gott de Welt en sas Doag von 24 Stund jemoakt haft?

Nä. Wie jleewen, daut Gott aules jemoakt haft. Oba wie jleewen nich aun aul de veschiedne Iedeeen, waut de Menschen doaräwa haben, woo Gott daut krakjt jedonen haft. Biejlikj sajcht de Schreft nich, daut daut bloos sas Doag von 24 Stund jedieet haft, aules to moaken. See wie mol mea doatoo:

  1. Woo lang wieren de Doag, wua Gott aules muak? Eenje sajen, daut wieren eefach sas Doag von 24 Stund. Oba daut Wuat “Dach” woat en de Bibel uk fa Tieden jebrukt, waut väl lenja sent aus een jeweenelja Dach (1. Mose 2:4, Neue-Welt-Übersetzung; Psalm 90:4).

  2. Woo oolt es de Ieedbaul? Eenje denkjen, de Ieed es mau een poa dusent Joa oolt. Oba no de Schreft no wia de Ieedbaul un daut Weltaul aul jemoakt, ea de sas Doag aunfungen, wua Gott aulet aundre muak (1. Mose 1:1). Doawäajen strieden Jehova siene Zeijen doa uk nich jäajen, wan Forscha sajen, daut de Ieedbaul goot kunn dusende Millionen Joa oolt sennen.

Wan Jehova siene Zeijen uk jleewen, daut Gott aules jemoakt haft, heet daut oba nich, daut dee de Forscha äare Oabeit fa nuscht talen. Wie jleewen, daut daut, waut dee werkjlich rutjefungen haben, met de Schreft tooppaust.