Trigj nom Enhault

No daut Unjamenu gonen

Jehova siene Zeijen

Plautdietsch

Waut es een Bibelstudium?

Waut es een Bibelstudium?

Bie een Bibelstudium met Jehova siene Zeijen kjricht eena de Auntwuaten opp veschiedne Froagen, biejlikj:

  • Wäa es Gott?

  • Es Gott werkjlich om mie bekjemmat?

  • Woo kaun ons daut en ons befriedet Läwen bäta gonen?

  • Woo kaun eena een tofrädnet Läwen haben?

Waut väle Menschen weeten wellen, wan wie dee een Bibelstudium aunbeeden:

Woo doo jie met de Menschen de Bibel studieren? Wan wie bie daut Bibelstudium eene jewesse Sach derchgonen, biejlikj woo Gott es ooda woo eena kaun eenen gooden Ehestaunt haben, näm wie de gaunze Schreft doa met en un unjasieekjen veschiedne Bibelvarzh, waut äwa dise Sach räden. Soo woat daut kloa, waut de Bibel werkjlich lieet.

Aus Help fa daut Studium bruck wie daut Buak Waut lieet de Schreft werkjlich?. En dit Buak woat kloa utjelajcht, waut de Bibel biejlikj äwa Gott, Jesus un äwa de komende Tiet sajcht.

Waut kost soo een Bibelstudium? Daut Bibelstudium es emsonst un uk de Bieekja, waut doatoo jebrukt woaren.

Woo lang woat jiedatsmol studieet? Väle Menschen jleichen daut, jieda Wäakj soo bie eene Stund de Bibel to studieren. Oba daut kaun uk lenja ooda kjarta sennen. Daut es doano, woo väl Tiet eena haft.

Waut passieet, wan ekj opp dise Websied no een Bibelstudium froag? Dan woat to eene Tiet, waut fa die paussent es, eena von Jehova siene Zeijen no die komen. Dee woat die wiesen, woo soo een Bibelstudium schauft. Un wan du daut jleichst, kaust du eefach wiedamoaken.

Wan jie met wäm de Bibel studieren, mott deejanja dan eent von Jehova siene Zeijen woaren? Nä. Fa Jehova siene Zeijen es daut eene Freid, met de Menschen äwa de Schreft to räden. Oba wie wudden kjeenmol wäm bemotten, bie ons bietokomen. Wie wiesen de Menschen respakjtvoll, waut de Bibel lieet, un wie hoolen em Denkj, daut jieda eena daut Rajcht haft to jleewen, waut hee well (1. Petrus 3:15).