Trigj nom Enhault

No daut Unjamenu gonen

Jehova siene Zeijen

Plautdietsch

Waut es de Väastaunt von Jehova siene Zeijen?

Waut es de Väastaunt von Jehova siene Zeijen?

De Väastaunt es eene kjliene Grupp von Christen, waut väl Erfoarunk haben un waut daut Woakj von Jehova siene Zeijen oppe gaunze Welt leiden doonen. Waut jehieet to dee äare Oabeit?

  • Dee seenen doano, daut de biblische Belierunk fa de Bieekja, Toopkomes un Schoolen von Jehova siene Zeijen reedjemoakt woat (Lukas 12:42).

  • Dee sent äwa daut Woakj von Jehova siene Zeijen oppe gaunze Welt aunjestalt: Dee leiden daut Prädichtwoakj un kjikjen, woo de friewelje Gowen jebrukt woaren.

De Väastaunt von Jehova siene Zeijen nemt sikj “de Apostel un Eltestasch en Jerusalem” toom Väabilt, waut fa aule Christenvesaumlungen em 1. Joahundat wichtje Sachen entscheiden deeden (Aposteljeschicht 15:2, De Plautdietsche Bibel). Soo aus dise true Mana ieeschtemma sent uk de Mana vom Väastaunt nich de Wieets äwa onse Organisazion. Dee loten sikj emma von de Schreft leiden, un dee sent sikj em kloaren, daut Jehova Gott Jesus Christus aus Haupt äwa de Christenvesaumlunk aunjestalt haft (1. Korinta 11:3; Efeesa 5:23).

Wäa es aula em Väastaunt von Jehova siene Zeijen?

Em Moaz 2016 wieren daut Samuel Herd, Geoffrey Jackson, Stephen Lett, Gerrit Lösch, Anthony Morris III., Mark Sanderson un David Splane. Dee schaufen aula en onse Hauptoffiz en Warwick (New York, Stäts).

Woo haft de Väastaunt sikj de Oabeit enjedeelt?

De Väastaunt haft sas Kommitees oppjestalt, waut sikj om ons Woakj kjemren un jieda eena vom Väastaunt schauft en eent ooda miere von dise Kommitees met.

  • Kommitee von de Leida: Es äwa aules aunjestalt, waut met Jesazen un Rejierungssachen to doonen haft. Daut schauft uk doamet, wan daut derch Owwada ooda sestwaut Schoden jejäft haft, wan Jehova siene Zeijen wäajen äaren Gloowen vefolcht woaren ooda wan doa sest waut oppkjemt, waut schwind jedonen mott.

  • Kommitee fa Betelmetoabeida: Kjemmat sikj om daut, waut met de Betelfamielje to doonen haft, aulsoo met deejanje, waut en onse Offizen methalpen.

  • Drekjariekommitee: Sitt doano, daut biblische Bieekja jedrekjt un utjeschekjt woaren un daut Vesaumlungshiesa, Kongresshiesa, Äwasatungsoffizen un aundre Offizen jebut woaren.

  • Deenstkommitee: Kjemmat sikj om daut Prädichtwoakj. Bie dit Woakj woat “daut Evangelium von Gott sien Rikj” bekauntjemoakt (Matäus 24:14, De Plautdietsche Bibel).

  • Liakommitee: Kjemmat sikj om de biblische Belierunk, waut daut en onse Toopkomes un Schoolen jäwen saul un uk opp Video un toom aunhorchen.

  • Schriewkommitee: Kjemmat sikj om de biblische Belierunk en de jedrekjte Bieekja un opp onse Websied un sitt no daut äwasaten.

Oba de Mana vom Väastaunt schaufen nich bloos en dise Kommitees. Dee komen uk jieda Wäakj toop un räden doaräwa, waut en de Organisazion to doonen fält. Bie dise Toopkomes vesieekjen dee, eenstemmich to entscheiden (Aposteljeschicht 15:25, NW). Doatoo unjastonen dee sikj daut, waut de Schreft sajcht, un loten sikj von Gott sienen heiljen Jeist leiden.

Wäa sent de Helpa vom Väastaunt?

Daut sent true Christen, waut en de Kommitees vom Väastaunt methalpen (1. Korinta 4:2). Dee haben Erfoarunk un vestonen sikj met de Oabeit, äwa dee daut Kommitee jesat es. Dee sent uk jieda Wäakj bie daut Toopkomen von daut Kommitee bie, wua see methalpen. Dee doonen nich entscheiden, waut doa jedonen saul, oba dee unjastonen sikj de Sachen, wua daut Kommitee met schauft, un jäwen gooden Rot. Dan seenen dee doano, daut daut jedonen woat, to waut daut Kommitee sikj es eenich jeworden, un kjikjen, woo daut doamet wiedakjemt. De Väastaunt schekjt dee uk eenjemol no veschiedne Lenda, om de Breeda doa to besieekjen, ooda jeft an Oppgowen bie besondre Toopkomes, soo aus de Joaresvesaumlunk ooda wan eene Klaus von de Gilead-Bibelschool foadich es.

DE NOMES VON DE HELPA

Kommitee

Nomen

Kommitee von de Leida

  • John Ekrann

 

Kommitee fa Betelmetoabeida

  • Gerald Grizzle

  • Patrick LaFranca

  • Daniel Molchan

  • Ralph Walls

 

Drekjariekommitee

  • Don Adams

  • Robert Butler

  • Harold Corkern

  • Gajus Glockentin

  • Donald Gordon

  • Robert Luccioni

  • Alex Reinmueller

  • David Sinclair

 

Deenstkommitee

  • Gary Breaux

  • Joel Dellinger

  • Seth Hyatt

  • Christopher Mavor

  • Baltasar Perla jr.

  • William Turner jr.

  • Leon Weaver jr.

 

Liakommitee

  • Ronald Curzan

  • Kenneth Flodin

  • William Malenfant

  • Mark Noumair

  • David Schafer

 

Schriewkommitee

  • Robert Ciranko

  • Kenneth Cook jr.

  • James Mantz

  • Izak Marais

  • Gene Smalley

  • Hermanus van Selm

 

Noch mea doaräwa

EENE GOODE NORECHT VON GOTT

Wuarom haft Gott eene Organisazion?

De Bibel sajcht, wuarom un woo woare Christen organisieet sent.

WÄA DEIT VONDOAG DÄN DACH JEHOVA SIENEN WELLEN?

Woo schauft de Väastaunt von Jehova siene Zeijen vondoag dän Dach?

Bie de ieeschte Christen jeef daut eene kjliene Grupp Eltestasch un Apostel, waut aus Väastaunt äwa de Vesaumlungen aunjestalt wia. Woo es daut vondoag?

WAUT FOAKEN JEFROACHT WOAT

Haben Jehova siene Zeijen Jemeentenleidasch, waut betolt kjrieen?

Jeft daut bie Jehova siene Zeijen uk Prädja? Wäa deit de jeistelje Oabeit?