Trigj nom Enhault

No daut Unjamenu gonen

Jehova siene Zeijen

Plautdietsch

Sent Jehova siene Zeijen Protestanten?

Sent Jehova siene Zeijen Protestanten?

Nä. Wie sent Christen, oba wie talen ons nich fa Protestanten. Wuarom nich?

Protestantismus es eene “Gloowesrechtunk, waut jäajen de katoolsche Kjoakj jeit”. Daut es soo, daut wie met väle Lieren von de katoolsche Kjoakj nich envestonen sent, oba wie sent doawäajen nich Protestanten. Hia kaust du seenen, wuarom nich:

  1. Väle Glooweslieren von de Protestanten stemmen nich met de Schreft. Biejlikj sajcht de Schreft, daut doa “een Gott” es un nich eene Dree-Eenichkjeit (1. Timotäus 2:5, De Plautdietsche Bibel; Johanes 14:28). Un de Schreft lieet uk sea kloa, daut Gott de Beese nich em Halenfia kjwälen woat, oba dee fa emma venichten woat (Psalm 37:9; 2. Tessalonicha 1:9, Neue-Welt-Übersetzung).

  2. Wie doonen nich jäajen de katoolsche Kjoakj ooda sest eenen Gloowen schaufen, un wie proowen dee uk nich to veendren. Enne Städ daut doo wie eefach de goode Norecht von Gott sien Kjennichrikj bekauntmoaken un halpen de Menschen, aun dise goode Norecht to jleewen (Matäus 24:14; 28:19-20). Wie sent nich doarom todoonen, aundre Gloowes to veendren. Wie wellen opprechtje Menschen halpen, de Woarheit äwa Gott un sien Wuat, de Schreft, to lieren (Kolossa 1:9-10; 2. Timotäus 2:24-25).