Trigj nom Enhault

No daut Unjamenu gonen

Jehova siene Zeijen

Plautdietsch

Wuarom gonen Jehova siene Zeijen no Menschen, waut aul to eene Jemeent jehieren?

Wuarom gonen Jehova siene Zeijen no Menschen, waut aul to eene Jemeent jehieren?

Wie beläwen foaken, daut Menschen daut jleichen, sikj von de Schreft to unjahoolen, wan dee uk aul to eene Jemeent jehieren. Un wan wäa nich met ons räden well, woa wie dän nich bemotten, ons tootohorchen ooda daut to jleewen, waut wie jleewen.

Wan wie met de Menschen äwa onsen Gloowen räden, proow wie daut emma “leeftolich un respakjtvoll” to doonen, soo aus de Schreft daut sajcht (1. Petrus 3:15, De Plautdietsche Bibel). Wie weeten, daut de Norecht, waut wie brinjen, nich bie aulem welkom es (Matäus 10:14). Oba woo de Menschen werkjlich denkjen, wiest sikj foaken ieescht mol dan ut, wan wie met dee räden. Un eenjemol endren dee uk äare Meenunk.

Eenjemol biejlikj haft wäa nich Tiet, wan wie komen, oba een aundatsmol rät dee wellich met ons. Daut kaun uk sennen, daut doa wäa waut schwoaret derchmoakt ooda Trubbels haft, un doawäajen aunfangt, no de biblische Norecht to horchen. Doawäajen hia wie nich opp, no de Menschen to gonen.