Trigj nom Enhault

No daut Unjamenu gonen

Jehova siene Zeijen

Plautdietsch

Motten Jehova siene Zeijen dän Tieenden jäwen?

Motten Jehova siene Zeijen dän Tieenden jäwen?

Nä. Jehova siene Zeijen brucken nich dän Tieenden jäwen. Ons Woakj drajcht sikj derch friewelje Gowen un doa woat uk nich jesajcht, wäa waut enjelajcht haft. Waut bediet daut, dän Tieenden to jäwen, un wuarom doonen Jehova siene Zeijen daut nich?

Em Jesaz Moses wia von de Israeliten ieeschtemma velangt, dän Tieenden ooda daut tieende Poat to jäwen von aules, waut see hauden. De Bibel moakt daut kloa, daut daut Jesaz Moses fa Christen nich mea jeltich es, un doawäajen es daut nich mea needich, dän Tieenden to jäwen (Hebräa 7:5, 18; Kolossa 2:13-14).

Jehova siene Zeijen velangen nich dän Tieenden ooda sest irjent Gowen. Krakjt soo aus de ieeschte Christen doonen dee tweeatlei, om daut Prädichtwoakj to unjastetten: Dee nämen nich betolt, wan dee de goode Norecht bekauntmoaken, un dee jäwen friewelje Gowen.

Dit paust uk met daut toop, waut de Schreft sajcht: “Een jiedra saul daut, waut hee sikj em Hoat väajenomen haft, met Freiden jäwen un nich bemott. Gott es dee goot, dee met Freid jäwen” (2. Korinta 9:7, De Plautdietsche Bibel).

 

Noch mea doaräwa

WAUT FOAKEN JEFROACHT WOAT

Woo drajcht daut Woakj von Jehova siene Zeijen sikj?

See, woo daut Prädichtwoakj oppe gaunze Welt emma wieda veraunkjemt, wan wie uk nich Jelt kollakjten ooda dän Tieenden velangen.