Jo. Oppe gaunze Welt nämen Jehova siene Zeijen daut missionieren sea iernst un räden räajelmässich met aundre äwa äaren Gloowen (Matäus 28:19-20).

Eenje von Jehova siene Zeijen trakjen en äa ieejnet Launt no aundre Städen ooda sent doa fa eene jewesse Tiet, om noch mea Menschen von de goode Norecht ut de Bibel to vetalen. Aundre trakjen no een aundret Launt, om doa mea fa Gott to doonen. Dee freien sikj, doabie mettohalpen, daut sikj daut erfelt, waut Jesus verutsäd: “Jie woaren miene Zeijen sennen, . . . äwa de gaunze Welt” (Aposteljeschicht 1:8, De Plautdietsche Bibel).

Aune 1943 haben Jehova siene Zeijen eene School oppjestalt, om eenje von äare Missionoaren noch wieda uttolieren. Daut es de Gilead-Bibelschool fa Missionoaren, un aul äwa 8 000 von Jehova siene Zeijen sent dise School derchjegonen.