Trigj nom Enhault

No daut Unjamenu gonen

Jehova siene Zeijen

Plautdietsch

Mott ekj eent von Jehova siene Zeijen woaren, wan dee met mie de Bibel studieren?

Mott ekj eent von Jehova siene Zeijen woaren, wan dee met mie de Bibel studieren?

Nä, kjeena woat die doatoo bemotten. Wie studieren met millionende Menschen de Bibel, waut oba nich Jehova siene Zeijen woaren. * De Grunt, wuarom wie met aundre studieren, es toom wiesen, waut de Schreft lieet. Waut deejanje dan met daut doonen, waut dee ut de Schreft lieren, es dee äare ieejne Sach. Wie weeten, daut jieda eena selfst entscheiden kaun, wan daut om dän Gloowen jeit (Josua 24:15).

Kaun ekj miene ieejne Bibel fa daut Bibelstudium brucken?

Jo, du kaust sea wellich diene ieejne Bibel brucken. En meist aule Biblen kaun eena daut, waut de Schreft äwa Hopninj un Radunk sajcht, kloa vestonen. Wie jleichen uk de Neue-Welt-Übersetzung der Heiligen Schrift to brucken, wiels dee leicht to vestonen es. Dee jeft daut opp väl Sproaken, un wie kjennen die wellich soone emsonst jäwen.

Wuarom studia jie de Bibel met Menschen, waut nich Jehova siene Zeijen woaren?

  • De Hauptgrunt es, wiels wie Jehova Gott leewen. Dee well, daut Christen aundre daut metdeelen, waut dee ut de Schreft jelieet haben (Matäus 22:37-38; 28:19-20). Fa ons jeft daut kjeene jratre Iea aus daut wie kjennen “Gott siene Metoabeida” sennen un aundre halpen, sien Wuat kjanen to lieren (1. Korinta 3:6-9, De Plautdietsche Bibel).

  • Wie doonen daut uk, wiels wie onsen Näakjsten leewen (Matäus 22:39). Wie freien ons, wan wie aundre daut wundascheene vetalen kjennen, waut wie ut de Schreft jelieet haben (Aposteljeschicht 20:35).

^ Varsch 2 En daut Joa 2016 hab wie biejlikj jieda Moonat 10 115 264 Bibelstudiums derchjefieet, bie väle von dee soogoa met miere Menschen tojlikj. Oba mau 264 535 haben sikj daut Joa aus Jehova siene Zeijen loten deepen.

Noch mea doaräwa

BIBELSTUDIUM

Wuarom loont sikj daut, de Bibel studieren?

De Bibel haft aul millionende Menschen jeholpen. Dee kaun die uk halpen!