Trigj nom Enhault

Wuarom nanen Jehova siene Zeijen äare Vesaumlungshiesa nich “Kjoakj”?

Wuarom nanen Jehova siene Zeijen äare Vesaumlungshiesa nich “Kjoakj”?

Daut griechische Wuat, waut eenjemol met “Kjoakj” äwasat woat, woat en de Bibel fa de Menschen jebrukt, waut toopkomen, om Gott auntobäden, un nich fa daut Jebied, wua dee daut doonen.

Aus de Apostel Paulus biejlikj aun de Christen en Room schreef, leet hee daut Poa Lied Priszilla un Aquilla jreessen. Hee säd uk noch: “Jreest uk dee Kjoakj dee sikj enn aea Hus fesaumelt” (Reema 16:5, Daut Niehe Tastament Plautdietsch). Paulus leet nich een Jebied jreessen, oba de Vesaumlunk, aulsoo de Menschen, waut en dit Hus toopkjeemen. *

Doawäajen nan wie daut Jebied, wua wie ons vesaumlen, om Gott auntobäden, nich “Kjoakj” oba “Vesaumlungshus”.

Woo es daut en Jehova siene Zeijen äa Vesaumlungshus?

Oppe gaunze Welt komen jieda Wäakj väle Menschen no onse Toopkomes.

  • Dee woaren en Hiesa aufjehoolen, waut uzhent doatoo jebut sent.

  • Doa doo wie Jehova, dän woaren Gott, von dän de Bibel rät, aunbäden un von dän Zeichnis jäwen (Psalm 83:18; Jesaja 43:12; Neue-Welt-Übersetzung).

  • Doa lia wie mea äwa Gott sien Rikj, wua Jesus foaken von jerät haft (Matäus 6:9-10; 24:14; Lukas 4:43).

Du kaust wellich mol no een Vesaumlungshus von Jehova siene Zeijen en diene Omjäajent komen om to seenen, woo daut bie onse Toopkomes es.