Trigj nom Enhault

No daut Unjamenu gonen

Jehova siene Zeijen

Plautdietsch

Foaren Jehova siene Zeijen uk nom Dokta, wan dee krank sent?

Foaren Jehova siene Zeijen uk nom Dokta, wan dee krank sent?

Jo. Jehova siene Zeijen loten sikj doktren un nämen Medizien, wan daut fält. Wie proowen, ons Poat to doonen, daut wie jesunt bliewen, oba eenjemol brukt eena doawäajen eenen Dokta (Lukas 5:31). Manke ieeschte Christen jeef daut eenen Dokta; daut wia Lukas. Krakjt soo sent uk eenje von Jehova siene Zeijen vondoag Doktasch (Kolossa 4:14).

Oba daut jeft eenje Doktarieen, waut jäajen de Schreft sent, un met soone well wie nuscht to doonen haben. Biejlikj lot wie ons nich Bloot enlakjen, wiels de Schreft sajcht, daut wie von Bloot wajchbliewen sellen (Aposteljeschicht 15:20). Dee veuadeelt uk soone Doktarieen, waut met Zaubarie to doonen haben (Galata 5:19-21).

Doch jäajen de gaunz mieeschte Doktarieen sajcht de Schreft nuscht un jieda eena kaun selfst entscheiden, aus hee dee aunnemt ooda nich. Doawäajen woaren nich aule von Jehova siene Zeijen met dautselwje doktren (Galata 6:5).