Trigj nom Enhault

Wäa haft met Jehova siene Zeijen äaren Gloowen aunjefongen?

Wäa haft met Jehova siene Zeijen äaren Gloowen aunjefongen?

Met de vondoagsche Organisazion von Jehova siene Zeijen haft daut utgangs 19. Joahundat aunjefongen. To dee Tiet funk en de Stäts, dicht bie Pittsburgh, Pennsylvanien, eene kjliene Grupp Bibelforscha aun, jrintlich de Bibel to studieren. See vejlikjten de Kjoakjen äare Lieren met daut, waut de Schreft werkjlich lieet. Daut, waut see lieeden, muaken see dan en Bieekja, en de Post un uk en de Tietschreft bekaunt, waut nu De Woaktorm moakt Jehova sien Kjennichrikj bekaunt heet.

En dise Grupp von Bibelforscha, waut opp iernst om de Woarheit ut de Bibel todoonen wieren, wia uk Charles Taze Russell. Wan hee to dee Tiet uk daut biblische Liawoakj leiden deed un de ieeschta Rutjäwa von dän Woaktorm wia, haft hee oba nich eenen nieen Gloowen aunjefongen. Russell un de aundre von dise Grupp, waut don “Bibelforscha” jenant worden, wullen Jesus Christus siene Lieren bekauntmoaken un sikj aun daut Biespel von de Christenvesaumlunk em ieeschten Joahundat hoolen. Jesus haft met dän Christengloowen aunjefongen. Doawäajen see wie am aus dänjanjen aun, waut met onsen Gloowen aunjefongen haft (Kolossa 1:18-20).