Trigj nom Enhault

No de Enhaultslist gonen

Met Jelt rajcht omgonen

Met Jelt rajcht omgonen

Väl Menschen sent bäta met Knaupheit foadich jeworden, wäajen dee sikj no de Schreft rechten.

DOO GOOT PLONEN

WAUT DE SCHREFT SAJCHT: “Väasechtich plonen, brinjt eenem Vedeenst, soo secha aus aufbrutschen [ooda aufschwienen], Oamoot brinjt” (Spricha 21:5).

WAUT DAUT BEDIET: Daut es needich to plonen un sikj dan doaraun to hoolen. Räakjen daut goot äwa, ea du Jelt brukst. Denkj doaraun: Du kaust die veleicht nich aules kjeepen, waut du west. Go kluak met dien Jelt om.

WAUT DU DOONEN KAUST:

  • Räakjen de Onkosten un Ennomen ut. Moak eene List von diene Onkosten un fang met daut needichste aun. Dan see, woo väl du fa jieda Sach brukst, un wan du fa eene Sach mea brukst aus jeplont, dan nemm een bät von daut aundre. Biejlikj, wan du mea Brennstoff fa dien Foatich brukst, aus du dochst, dan nemm een bät von daut, waut nich soo wichtich es, soo aus nom Restaraunt foaren.

  • Moak nich onneedich Schult. Duck die nich onneedich enne Schult en. Spoa die leewa Jelt toop, daut du daut kjeepen kaust, waut die fält. Wan du eene Koat brukst, dan betol jieda Moonat, waut du schuldich best, daut et nich Entras frat. Wan du aul Schult hast, dan moak eenen Plon, dee opp Tolinjs to betolen, un hool die doaraun.

    Soo aus se rutjefungen haben, brucken soone mea Jelt, waut met eene Koat betolen. Wan du eene hast, brukt dee väasechtich.

 PAUSS OPP, WOO DU ENJESTALT BEST

WAUT DE SCHREFT SAJCHT: “Een Fula dee sien Launt nich to de rajchte Tiet beoabeit, woat em Eifst no eene Arnt sieekjen un kjeene haben” (Spricha 20:4).

WAUT DAUT BEDIET: Ful sennen kaun methalpen, daut eena oam woat. Sie een flietja Oabeida un pauss no dien Jelt opp, daut du lota waut hast, wan daut fält.

WAUT DU DOONEN KAUST:

  • Schauf flietich. Wan du fein schaufst un de Oabeit iernst nemst, dan woat de Wieet die väl räakjnen un die nich wellen velieren.

  • Sie opprechtich. Bestäl dienen Wieet nich. Onopprechtich sennen kaun die eenen schlajchten Nomen moaken un die daut vedoawen, wan du lota no Oabeit sieekjst.

  • Sie nich bejierich. Wan du met aula Jewault west Jelt moaken, dan kaust du diene Jesuntheit schoden un du kaust diene Frind velieren. Hool em Denkj: Daut Läwen jeit nich bloos om Jelt.

AUNDRE BIBELVARZH

Em Internet opp jw.org kaust du de Schreft opp hundade Sproaken läsen

VEKWOS DIENE TIET UN JELT NICH MET SCHLAJCHTE SITTEN.

“Drinkja un Fräta woaren oam, un een Fulenza woat met verätne Kjleeda gonen.” (SPRICHA 23:21)

MOAK DIE NICH TOO VÄL JELTSORJEN.

“Moakt junt nich sorjen om jun Läwen, äwa waut jie äten un drinkjen sellen; uk nich om jun Kjarpa, waut jie auntrakjen sellen.” (MATÄUS 6:25)

SIE NICH AUFJENSTICH.

“Een jiezja [ooda aufjenstja] Maun es bejierich rikj to woaren; hee denkjt nich doaraun daut am Oamoot äwafaulen woat.” (SPRICHA 28:22)