Trigj nom Enhault

No de Enhaultslist gonen

 DE TRUBBEL

Jefoaren fa onse Sechaheit

Jefoaren fa onse Sechaheit

En eenen Berecht es to läsen, daut wan sikj daut uk soo späat, daut wie vondoag dän Dach aules haben toom scheen läwen, wia wie noch kjeenmol ea soo dicht bie aus nu, daut wie onse Welt selfst togrunt brinjen. The Global Risks Report 2018, World Economic Forum (Een weltwieda Berecht von 2018 äwa Jefoaren).

WUAROM SENT VÄL MENSCHEN BESORCHT DOARÄWA, WOO DAUT MET ONS MENSCHEN UN DE IEED WIEDAGONEN WOAT? BESEE DIE BLOOS MOL EEN POA SCHWIERICHKJEITEN, WAUT WIE HABEN.

  • JEFOAREN EM INTERNET: En de Post The Australian säd daut: “Daut Internet es eene Städ, waut emma jefäadelja woat. Daut woat sea jebrukt von soone, waut Kjinja mesbrucken, waut sikj äwa aundre domm haben, waut aundre äwa Internet oajren un soone, waut sikj en aundre äare Internet-Sieden nenschlikjen. Met aundre äare Papieren Scheewarieen driewen es eent, waut enne Welt emma oaja woat. . . . Daut Internet jeft Menschen de Jeläajenheit, bees un grausom to sennen.”

  • RIKJ UN OAM: Een Oxfam International Berecht säd, daut de acht rikjste Menschen toop krakjt soo väl hauden, aus de Halft Oame von de gaunze Welt. De Berecht säd: “De groote Onopprechtichkjeit von de Wirtschoft enne Welt brinjt daut bat doa, daut een poa Menschen sea rikj woaren un de mieeschte oam; doarunja lieden besonda de Frues.” Wäajen daut emma mea Rikje un Oame jeft, haben eenje Angst, daut de Menschen sikj woaren jäajen de Rejierunk stalen.

  • KJRICH UN VEFOLJUNK: En eenen Berecht von de Veeende Nazionen (UNO) aune 2018 säd daut: “Noch kjeenmol ea musten soo väl Menschen äa Tus veloten aus nu.” Mea aus 68 Million Menschen haben must veloten wäajen Kjrich ooda Vefoljunk. De Berecht säd: “Meist aule twee Sekund es een Mensch bemott, sien Tus to veloten.”

  • JEFOAREN FA DE NATUA: En The Global Risks Report 2018 säd daut, daut väl Sorten Plaunten un Tieren sea bosich utstoawen. “De Veorreinjunk enne Loft un von daut Mäa sent emma eene jratre Jefoa, daut de Menschen doavon krank woaren.” En eenje Lenda woat uk daut Ojjezeffa bosich weinja. Un wiels daut Ojjezeffa methalpt, daut de Plaunten befrucht woaren, sajen de Forscha, daut de Natua gaunz kaputt gonen woat.

Sent wie emstaunt, daut needje to doonen, daut de Welt sechra es? Eenje meenen, daut Belierunk doabie halpen kunn. Wan daut soo es, waut fa eene Sort Belierunk kunn halpen? De näakjsta Artikjel woat dise Froagen beauntwuaten.