Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Ons christeljet Läwen un Deenst – Schoolheft  |  Oktooba 2017

 ONS CHRISTELJET LÄWEN

Bruck dien Läwen toom Jehova preisen

Bruck dien Läwen toom Jehova preisen

Daut Läwen es een besondret Jeschenkj. Woo wie met dit Jeschenkj omgonen wiest, woo väl wieet ons daut es. Aus Jehova siene Zeijen well wie onse Gow un daut, waut wie jelieet haben, brucken, om Jehova to ieren un to veharlichen. Von am kjemt je daut Läwen (Ps 36:10; Opb 4:11). Oba de Sorjen, waut eena en dise schlajchte Welt emma haft, kjennen daut leicht bat doa brinjen, daut eena daut jeistelje hinjalat (Mar 4:18-19). Daut wudd goot sennen, äwa dise Froagen notodenkjen: “Jäw ekj Jehova werkjlich mien bastet? (Hos 14:3). Waut deit miene Oabeit aun mienen Gloowen? Waut hab ekj mie em jeisteljen äwajetalt? Woo kaun ekj noch mea em Deenst doonen?” Wan du sitst, daut du die noch vebätren kaust, dan bäd Jehova om Help un enda daut, waut doa needich es. Wan wie Jehova jieda Dach preisen, dan brinjt ons daut fa secha een tofrädnet, schaftjet Läwen (Ps 61:9).

Fa waut brukst du diene Gow?

KJIKJ DAUT VIDEO BRUCK DIENE GOW FA JEHOVA, UN DAN DENKJ ÄWA DISE FROAGEN NO:

  • Wuarom wudd daut nich kluak sennen, onse Gow fa dän Soton siene Welt to brucken? (1Jo 2:17)

  • Waut fa Säajnungen kjrieen dee, waut Jehova äa bastet jäwen?

  • Wua kaust du diene Gow un daut, waut du jelieet hast, fa Jehova brucken?