Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Ons christeljet Läwen un Deenst – Schoolheft  |  Oktooba 2017

 ONS CHRISTELJET LÄWEN

Ons aunwanen, flietich de Bibel to studieren

Ons aunwanen, flietich de Bibel to studieren

Wurscht du jleichen en schwoare Tieden tru to bliewen, soo aus Daniel? Daniel studieed flietich Gott sien Wuat, mau rajcht de Profezeiungen, waut nich soo leicht to vestonen wieren (Da 9:2). Flietich de Bibel studieren kaun die halpen, tru to bliewen. Wuahäa? Du woascht dolla doaropp vetruen, daut sikj aules woat soo romnämen, aus Jehova vesproaken haft (Jos 23:14). Daut kaun die uk halpen, daut diene Leew fa Gott toonemt, un dan woascht du dän Moot haben, daut rajchte to doonen (Ps 97:10). Oba woo kaun eena sikj daut aunwanen, flietich to studieren?

  • Waut saul ekj studieren? Eent wudd sennen, sikj emma fa de Toopkomes reedmoaken. Wan du die biejlikj bie daut Bibelläsen fa jieda Wäakj daut nosieekjst, waut du nich vestonen kaust, dan woascht du doa väl mea bie haben. Eenje haben sikj uk väajenomen, mea von bi-blische Profezeiungen to lieren, von de Ieejenschoften, waut Poat von dän Jeist siene Frucht sent, von dän Apostel Paulus siene Missionsreisen ooda uk von Jehova siene Schepfunk. Wan du mol eene biblische Froag hast, dan schriew die daut opp, daut du daut lota kaust en dien Studium derchgonen.

  • Wua kaun ekj nosieekjen? Kjikj daut Video Help toom no jeistelje Schaza sieekjen, un doa kaust du jewesset seenen. Moak mol een Proowstekj: Sieekj die daut no, woone Weltmachten de Tieren en Daniel, Kapitel 7 väastalen.

  • Woo väl saul ekj studieren? Daut eena em jeisteljen goot auf es, mott eena pinkjlich studieren. Opp verieescht wudd eena veleicht kjennen bloos een Stootje studieren un soo bie sacht emma lenja. Gott sien Wuat studieren es soo aus no vestoakne Schaza to sieekjen; je mea Schaza eena finjt, je dolla well eena sieekjen (Spr 2:3-6). Dien Velangen no Gott sien Wuat woat stoakja woaren, un räajelmässich de Bibel studieren woat dan wieda Poat von dien Läwen sennen (1Pe 2:2).

WAUT STALEN DE TIEREN EN DANIEL, KAPITEL 7 VÄA?

  • Da 7:4

  • Da 7:5

  • Da 7:6

  • Da 7:7

BOWENENN EENE FROAG:

Woo haft Daniel 7:8, 24 sikj erfelt?

FA DAUT NÄAKJSTE MOL:

Waut stalen de Tieren en Openboarunk, Kapitel 13 väa?