Trigj nom Enhault

No de Enhaultslist gonen

 ONS CHRISTELJET LÄWEN

Fein toopschaufen opp soone Städen, wua veschiedne Sproaken jerät woaren

Fein toopschaufen opp soone Städen, wua veschiedne Sproaken jerät woaren

De Menschen horchen foaken daut dolste no de Norecht von Gott sien Rikj, wan eena dee opp äare Sproak aunrät. Veleicht es daut jroz doawäajen, daut Jehova Pinjsten aune 33 de gottesferchtje Juden von de veschiedne Lenda leet opp äare ieejne Sproak de goode Norecht hieren, wan dee uk Hebräisch ooda Griechisch kunnen (Apj 2:5, 8). En soone Jäajent, wua mea Sproaken jerät woaren, jeft daut uk Vesaumlungen opp veschiedne Sproaken, un dee woaren dan uk eenjemol opp deeselwje Städ prädjen. Woo kjennen soone Vesaumlungen fein toopschaufen, daut dee aulem prädjen kjennen un de Menschen oba nich oajalich moaken, wiels see dee biejlikj too foaken prädjen?

  • Rät unjarenaunda (Spr 15:22): De Deenstoppsechtasch sullen unjarenaunda räden un sikj daut trajchtplonen, woo daut Jebiet sull jeprädicht woaren. Wan daut Jebiet mau nat es, dan wellen de Vesaumlungen, waut opp aundre Sproaken prädjen, veleicht, daut jie jewesse Hiesa utloten. Oba wan see daut nich nokomen, äa Jebiet pinkjlich to prädjen, wäajen daut soo wiet vespreet es, dan wellen dee veleicht, daut jie kjeen Hus utloten, oba an bloos sajen, wan jie wäm finjen, waut intressieet es (od-X 93 V. 37). Veleicht froagen dee june Vesaumlunk uk no Help, daut jie an halpen, Menschen opp äare Sproak to finjen un an de Adrassen jäwen (km-X 7/12 5, Kausten). Hoolt em Denkj, daut en eenje Hiesa mea aus eene Sproak jerät woat. Bie aul dit seet doano, daut jie met de Nomes un Adrassen von de Menschen soo omgonen, aus daut Jesaz daut velangt.

  • Schauft toop (Ef 4:16): Hool die doaraun, wan dien Deenstoppsechta Aunwiesungen jeft. Studieescht du met wäm de Bibel, waut doa leewa eene aundre Sproak rät, aus diene Vesaumlunk es? Veleicht kjemt deejanja em jeisteljen bosja veraun, wan eene Vesaumlunk ooda Grupp sikj om dänjanjen kjemmat, waut siene Sproak rät.

  • Moakt junt reed (Spr 15:28; 16:1): Wan du een Mensch trafst, waut eene aundre Sproak rät, dan proow doawäajen met dän äwa de goode Norecht to räden, soo goot aus du kaust. Du kaust die em verut met dee Sproaken reedmoaken, waut en diene Omjäajent jerät woaren un du kaust die aul opp dee Sproaken Biblen un Videos raufloden. Du kaust uk de JW Language-App brucken toom lieren, woo dee sikj opp äare Sproak bejreessen.