Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Ons christeljet Läwen un Deenst – Schoolheft  |  Nowamba 2016

 ONS CHRISTELJET LÄWEN

Woo eena daut Buak What Can the Bible Teach Us? brucken kaun

Woo eena daut Buak What Can the Bible Teach Us? brucken kaun

Daut Teach-Us-Buak un daut Schreft-lieet-Buak sent ernoa äwareen. Beid Bieekja woat daut opp een deel Sproaken jäwen. Dise beid Bieekja toom aundre lieren haben nom Riem no deeselwje Teemasch. Oba en daut Teach-Us-Buak sent leichtre Wieed bennen un es eefacha oppjestalt. Daut es fa soone jemoakt, waut daut veleicht schwoa felt, daut Schreft-lieet-Buak to vestonen. Enne Städ eenen Aunhank haft daut Teach-Us-Buak Enjnooten, waut opp eene eefache Wajch eenje Wieed un Iedeeen utlajen, waut en daut Buak sent. De Kapitels haben nich Froagen aum Aunfank uk nich eenen Kausten met Wadaholungsfroagen. Enne Städ daut sent doa opp Enj von de Kapitels biblische Lieren toopjefot, waut doa en de Varzh utjelajcht worden. Krakjt soo aus daut Schreft-lieet-Buak kaun eena uk daut Teach-Us-Buak to irjenteene Tiet aunbeeden, wan daut uk nich daut Aunjebott fa de Moonat es. Woo kaun eena de besondre Sachen von daut Teach-Us-Buak brucken toom met wäm de Bibel studieren?

TOOPFOTUNK: Met de mieeschte Menschen woat daut fein schaufen, wan eena bie daut Studium met daut Schreft-lieet-Buak ieescht dän Varsch läst un dan de Froag stalt, soo aus wie daut jeweenlich doonen. Waut oba, wan deejanja de Sproak nich sea fein kaun ooda nich fein läsen kaun? Dan wudd eena kjennen daut Teach-Us-Buak brucken. Eena wudd kjennen de Toopfotunk von de Kapitels toom studieren brucken un dänjanjen tooroden, de Kapitels fa sikj selfst to läsen. Foaken wudd eena kjennen eene biblische Lia en ojjefäa 15 Minuten met wäm studieren. En de Toopfotunk woat daut nich soo utjelajcht aus en de Kapitels, doawäajen mott de Liera sikj fein reedmoaken un aun de Omstend von dän Schiela denkjen. Wan de Liera bie daut Studium de Kapitels brukt, dan kaun dee de Toopfotunk brucken toom daut wadaholen.

ENJNOOTEN: De Wieed un Iedeeen en de Enjnooten sent krakjt soo nom Riem no, aus dee en de Kapitels sent. De Liera kaun entscheiden, aus hee de Enjnooten en daut Teach-Us-Buak met dän Schiela toop derchgonen well.