Trigj nom Enhault

No de Enhaultslist gonen

 ONS CHRISTELJET LÄWEN

Ons em Prädichtdeenst vebätren – De Studiums lieren, väatostudieren

Ons em Prädichtdeenst vebätren – De Studiums lieren, väatostudieren

WUAROM DAUT JEDONEN SAUL: Wan Studiums aul väastudieren, dan kjennen dee daut bäta bejriepen un uk em Denkj hoolen, waut wie dee lieren. Je bäta dee daut vestonen un em Denkj hoolen kjennen, je bosja woaren dee veraunkomen. Dee motten uk noch no de Doop fa de Toopkomes un dän Deenst väastudieren, soo daut dee kjennen “waka” bliewen (Mat 25:13). Doawäajen es daut goot to weeten, woo eena studieren kaun. Dee woat daut fa äa gaunzet Läwen halpen, wan dee de Jewanheit haben to studieren. Wie wudden de Studiums von fuaz aun sellen lieren, daut dee sikj em verut fa daut Studium reedmoaken.

WOO EENA DAUT DOONEN KAUN:

  • Sie een goodet Väabilt (Ree 2:21). Moak die fa jieda Studium aul verhäa reed un denkj doabie aun de Persoon (km 11/15 3). Lot dänjanjen seenen, waut du die aunjetieekjent hast

  • Rod dänjanjen too, daut dee uk selfst väastudieet. Wan daut met daut Studium ieescht em Schwunk es, dan lot dän daut weeten, daut et Poat von daut Bibelstudium es, sikj em verut reedtomoaken, un saj dän uk, wuarom daut goot es. Jeff dän gooden Rot, woo dee sikj kaun Tiet oppoat saten toom väastudieren. Eenje lieen de Studiums äa Buak eemol, wua see sikj daut jetieekjent haben, un soo kjennen dee seenen, woo väl leichta daut dan es. Low dänjanjen, wan dee daut aul väastudieet

  • Wies dänjanjen, woo dee kaun väastudieren. Eenje nämen sikj uzhent eemol Tiet toom de Studiums wiesen, woo dee daut doonen kjennen un studieren daut Mol nuscht waut aundret