Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Ons christeljet Läwen un Deenst – Schoolheft  |  Moaz 2016

 EM PRÄDICHTDEENST BÄTA WOAREN

Ons em Prädichtdeenst vebätren: Sikj Enleidungen fa de Tietschreften reedmoaken

Ons em Prädichtdeenst vebätren: Sikj Enleidungen fa de Tietschreften reedmoaken
AUNSECHT
Takjst
Bilt

WUAROM DAUT JEDONEN SAUL: De Enleidungen en daut Schoolheft sent bloos doatoo jemoakt, daut eena Iedeeen kjricht. Oba eena sull daut en siene ieejne Wieed sajen. Veleicht west du daut uk opp eene aundre Wajch doonen ooda een aundret Teema brucken, waut fa daut Jebiet dolla paust. Wan du de Tietschreft dan ieescht jeläst hast, met de Enleidungen toom prädjen bekaunt best un de Videos met de Enleidunk jeseenen hast, dan kaust du die diene ieejne Enleidunk reedmoaken. Daut kaust du soo doonen, aus daut hia unja aunjejäft es.

WOO EENA DAUT DOONEN KAUN:

West du eent von de Enleidungen von daut Schoolheft brucken?

JO

  • See, woo du de Vetal aunfangen west. Wan du dänjanjen ieescht bejreest hast, soo aus daut jeweenlich jedonen woat, dan saj, wuawäajen du jekomen best. (Biejlikj kust du sajen: “Wie sent häajekomen, wiels . . .”)

  • Äwalaj die, woo du von de Froag west no dän Bibelvarsch gonen un von doa no daut Aunjebott. (Biejlikj toom dän Bibelvarsch enleiden kunn eena sajen: “De Auntwuat fa dise Froag kaun eena hia finjen.”)

  • Läs die von de Tietschreft een Teema ut, waut du jleichst un waut uk fa daut Jebiet paussent es

  • Äwalaj, woo du dän no siene Meenunk froagen west. De Froag saul dänjanjen toom nodenkjen brinjen un enjankren, sikj met die to unjahoolen. Daut saul nich soone Froag sennen, wua dee nich weet, waut dee sajen saul. (Biejlikj kust du de Froagen oppe 2. Sied von de Tietschreften brucken)

  • Läs die eenen Bibelvarsch ut. (Wan du daut Erwachet! aunbeeden deist, dan es daut nich onbedinjt needich, eenen Bibelvarsch väatoläsen, wiels dee Tietschreft es fa soone Menschen jemoakt, waut mau weinich von de Schreft weeten ooda nich väl von de Relijion hoolen)

  • Denkj die eent ooda twee Saza ut, met dee du dänjanjen daut utlajen west, waut hee doavon haft, wan hee dän Artikjel läst

ENDOONT, WOONT DU WÄLST

  • Moak die eene Froag reed, äwa dee du daut näakjste Mol räden west

  • Schriew die daut opp, waut du sajen west, soo daut du daut nich vejatst