Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Ons christeljet Läwen un Deenst – Schoolheft  |  Moaz 2016

 ONS CHRISTELJET LÄWEN

Derch daut Leesjelt es daut mäajlich, daut de Doodes oppstonen woaren

Derch daut Leesjelt es daut mäajlich, daut de Doodes oppstonen woaren

Daut Owentmol es eene goode Jeläajenheit toom äwa de Säajnungen nodenkjen, waut derch daut Leesjelt mäajlich sent, biejlikj daut Oppstonen vom Doot. Daut wia nich Jehova sien Wunsch, daut de Menschen storwen. Doawäajen jeft daut schia nuscht, waut doa soo schwoa es, aus wan doa wäa jestorwen es, dän eena väl jeräakjent haft (1Ko 15:26). Aus Jesus sach, woo siene Nofolja daut jinkj, aus Lazarus jestorwen wia, muak am daut uk truarich (Joh 11:33-35). Wiels Jesus krakjt soo es aus sien Voda, weet wie, daut Jehova daut uk sea truarich moakt, wan hee sitt, woo schwoa ons daut es, wan doa wäa stoaft, dän wie väl jeräakjent haben (Joh 14:7). Jehova kaun daut aul schia nich aufluaren, bat daut bat doa es, wua hee siene Deena wada woat toom Läwen brinjen, un bie ons sull daut uk soo sennen (Hi 14:14-15).

Wiels Jehova een Gott von Ordnunk es, kjenn wie ons goot väastalen, daut daut Oppstonen vom Doot woat siene Ordnunk haben (1Ko 14:33, 40). Enne Städ Bejrafnis to haben, woa wie ons veleicht vesaumlen, om deejanje opptonämen, waut doa oppstonen. Denkjst du äwa daut Oppstonen vom Doot no, besonda dan, wan du sea truarich best? (2Ko 4:17-18). Bedankst du die bie Jehova, daut hee daut Leesjelt towäaj jeschauft haft un daut hee ons daut derche Schreft haft weeten loten, daut de Vestorwne woaren oppstonen? (Kol 3:15).

  • To woone Frind ooda Frintschoft freist du die aul daut dolste, dee wada to seenen?

  • Wäm von de Bibeltiet wurscht du jleichen kjanen to lieren un met dän to räden?