Trigj nom Enhault

No de Enhaultslist gonen

 ONS CHRISTELJET LÄWEN

“Waut Gott jebungen haft . . .”

“Waut Gott jebungen haft . . .”

No daut Jesaz Moses no must een Maun eenen Scheedungsbreef moaken, wan dee sikj wull scheeden loten. Daut wia doatoo, daut sikj doa nich haustich wäa von sienen Poatna scheeden loten kunn. Oba en Jesus siene Tiet hauden de Gloowesleidasch daut leicht jemoakt, eenen Scheedungsbreef to kjrieen. De Mana kunnen sikj ut irjenteene Uasoak von äare Frues scheeden loten (“Scheedungsbreef”, “von siene Fru scheeden”, “brakjt siene Ehe met ar”, Erkjläarungen toom studieren en nwtsty von Mar 10:4, 11). Jesus räd doavon, daut et Jehova wia, waut met de Ehe dän Aunfank jemoakt haud un väasajen kunn (Mar 10:2-12). Een Maun un eene Fru musten “een Fleesch” woaren un emma toopbliewen. Soo aus Matäus daut beschrift, es daut mau dan no de Schreft no rajcht, sikj scheeden to loten, wan de Poatna “ontru jewast” es (Mat 19:9).

Vondoag dän Dach talen väle de Ehe nich mea soo aus Jesus deed, oba soo aus de Farisäa. Wan doa mol Trubbel oppkjemt, dan sent dee leicht reed sikj scheeden to loten. Oba christelje Ehelied nämen dän Ehestaunt sea iernst un rechten sikj no de Schreft, daut see de Schwierichkjeiten äwakomen kjennen. Wan du daut Video Leew un Respakjt veeenicht de Famieljes ieescht jeseenen hast, dan beauntwuat dise Froagen:

  • Woo kaun Spricha 15:1 junen Ehestaunt halpen, un wuarom es daut wichtich?

  • Woo kjenn jie junt Trubbel spoaren, wan jie daut doonen, waut daut en Spricha 19:11 sajcht?

  • Wan jun Ehestaunt batem tweigonen es, äwa woone Froagen sull jie nodenkjen, enne Städ to denkjen: “Sull wie ons scheeden loten?”

  • Wan jie daut doonen, waut daut en Matäus 7:12 sajcht, woo woat junt daut halpen, een bätra Ehemaun to sennen ooda eene bätre Ehefru?