Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Ons christeljet Läwen un Deenst – Schoolheft  |  Mei 2016

 ONS CHRISTELJET LÄWEN

Deist du JW Library brucken?

Deist du JW Library brucken?

JW Library es eene App (een Program), waut nuscht kost un met dee eena sikj kaun de Bibel un aundre Bieekja, Videos un oppjeschnaktet opp eenem sien Fon, Tablet ooda Komputa nopploden.

WOO EENA DEE TOWÄAJ KJRICHT: Go em Internet en een App-Store nenn un lod die doa JW Library rauf. Dise App jeft daut fa veschiedne Sorten Fons un Tablets. Wan du em Internet best, dan kaust du de App opmoaken un utwälen, waut du die west raufloden. Wan du tus nich Internet hast, dan wurscht du daut veleicht kjennen biem Vesaumlungshus, bie eene Bibliotäkj ooda en een Restaraunt doonen. Nodäm daut du die Bieekja ooda aundret opp dien Fon ooda Tablet noppjelot hast, kaust du dee brucken onen Internet. Oba wiels daut bie JW Library emma wada waut nieet jeft, wudd daut goot sennen, to irjenteene Tiet em Internet nentogonen, om bie de App waut opptofreschen, wan daut fält.

WUAROM ES DEE VÄL WIEET? Daut es sea hendich, JW Library to brucken, wan eena fa sikj selfst studieet ooda bie de Toopkomes es. Dee es uk gotlich fa dän Prädichtdeenst, besonda wan eena opp Jeläajenheit prädjen deit.