Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Ons christeljet Läwen un Deenst – Schoolheft  |  Juni 2017

 ONS CHRISTELJET LÄWEN

Woo stoakj es dien Gloowen aun Jehova siene Vespräakjungen?

Woo stoakj es dien Gloowen aun Jehova siene Vespräakjungen?

Josua un Salomo säden beid, daut nuscht utjebläwen wia, waut Jehova vesproaken haud (Jos 23:14; 1Kj 8:56). Daut, waut dise twee true Zeijen säden, halpt ons, em Gloowen noch stoakja to woaren (2Ko 13:1, NW; Tit 1:2).

Woo kjeem Jehova daut en Josua siene Tiet no, waut hee vesproaken haud? Kjikj met diene Famielje toop daut Video Nuscht es utjebläwen von waut hee vesproaken haud. Dan rät äwa dise Froagen: (1) Woo kjenn wie Rahab äaren Gloowen un äare Woakjen nodoonen? (Heb 11:31; Jak 2:24-26). (2) Woo es aun Achan to seenen, daut et väl Schoden brinjt, wan eena mootwellich ojjehuarsom es? (3) Wuarom schmäaden de Gibeonita Josua aun un muaken Fräd met Israel, wan daut doch Kjrieja wieren? (4) Woo erfeld Jehova sien Vespräakjen, aus de fief Kjennichs von de Amorita Israel aunkjeemen? (Jos 10:5-14). (5) Woo haft Jehova die jeholpen, wäajen du sien Rikj un siene Jerajchtichkjeit dän ieeschten Plauz en dien Läwen jeefst? (Mat 6:33).

Wan wie äwa aul daut nodenkjen, waut Jehova jedonen haft, waut hee nu deit un waut hee noch doonen woat, dan woat ons Gloowen aun siene Vespräakjungen emma stoakja (Ree 8:31-32).

Es dien Gloowen soo stoakj, aus Josua siena wia?