Trigj nom Enhault

No de Enhaultslist gonen

 ONS CHRISTELJET LÄWEN

Daut fa rajcht talen, waut Jehova fa rajcht talt

Daut fa rajcht talen, waut Jehova fa rajcht talt

Jehova Gott bestemt, waut rajcht un orrajcht es. Hee haft biejlikj bestemt, daut em Ehestaunt een Maun un eene Fru sent, waut toopbliewen sellen (Mat 19:4-6, 9). Hee talt aule Sorten Huararie fa schlajcht (1Ko 6:9-10). Hee haft uk fa Gruntsauzen jesorcht, woo eena sikj auntrakjen un oppfiksen saul; dit deit sien Volkj von de Welt unjascheeden (5Mo 22:5; 1Ti 2:9-10).

En de vondoagsche Welt wellen väle nuscht doavon weeten, woo Jehova Sachen sitt (Ree 1:18-32). Dee doonen sikj soo auntrakjen un oppfiksen un oppstalen, aus de Mierheit daut fa goot talt. Väle doonen sikj groot met äa schlajchtet Läwen un räden jäajen dee, waut nich soo läwen (1Pe 4:3-4).

Wie aus Jehova siene Zeijen motten mootich fa daut enstonen, waut Gott fa rajcht un orrajcht talt (Ree 12:9). Woo kjenn wie daut? Wan wie aundre daut leeftolich dietlich moaken, waut Gott fa rajcht talt. Oba wie motten uk selfst een goodet Väabilt sennen. Wan wie biejlikj entscheiden, woo wie ons kjleeden un oppfiksen, dan kunn wie äwalajen: “Sitt mie soo, aus Jehova daut fa rajcht talt, ooda soo aus de Welt? Es aun miene Kjleeda un woo ekj mie oppfiks to seenen, daut ekj gottesferchtich sie?” Un wan wie Films ooda waut em Tellewizhen kjikjen wellen, dan kunn wie äwalajen: “Wudd Jehova daut fa rajcht talen, waut ekj kjikjen well? Wäms Iedeeen woaren doa fa goot jetalt? Wudd ekj doaderch kjennen endoontja woaren äwa daut, waut schlajcht es? (Ps 101:3, NW). Wudd sikj doa wäa von miene Famielje ooda sestwäa aun steeten?” (1Ko 10:31-33).

Wuarom es daut soo iernst, daut wie daut fa rajcht talen, waut Jehova fa rajcht talt? Jesus Christus woat de Velkja un aulet schlajchte boolt venichten (Hes 9:4-7). Bloos dee, waut Gott sienen Wellen doonen, woaren veschoont bliewen (1Jo 2:15-17). Doawäajen well wie fa daut enstonen, waut Jehova fa rajcht talt, soo daut dee, waut onsen gooden Waundel seenen, Gott lowen woaren (1Pe 2:11-12).

Woo es aun miene Kjleedie un woo ekj mie oppfiks to seenen, waut ekj fa rajcht tal?

KJIKJ DAUT VIDEO SIE JEHOVA SIEN FRINT – EEN MAUN, EENE FRU UN DAN DENKJ ÄWA DISE FROAGEN NO:

  • Wuarom es daut weis, soo to läwen, aus Jehova daut fa rajcht talt?

  • Wuarom sellen Elren äare Kjinja von kjlien aun lieren, waut Jehova fa rajcht talt?

  • Woo kjennen Junge uk Elre aundre halpen, daut dee daut goode beläwen kjennen, waut Gott vesproaken haft?