Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Ons christeljet Läwen un Deenst – Schoolheft  |  Juni 2017

 ONS CHRISTELJET LÄWEN

Met Freiden de goode Norecht prädjen

Met Freiden de goode Norecht prädjen

Es die daut eenjemol schwoa to prädjen? Väle von ons wudden sajen jo. Wuarom? Veleicht sent de Menschen en ons Jebiet foaken endoontich ooda jäajenaun ooda eena haft Angst, met Framde to räden. Derch aul dit kaun onse Freid weinja woaren. Oba wie deenen dän “jlekjeljen Gott”, un dee well, daut wie am met Freiden deenen (Ps 100:2; 1Ti 1:11, NW). See wie mol dreeatlei, wuarom wie kjennen met Freiden prädjen.

Ieeschtens: Onse Norecht jeft Hopninj. En de Welt jeft daut emma weinja Hopninj. Oba wie kjennen de Menschen eene “scheene Norecht” von waut bätret brinjen (Jes 52:7). De goode Norecht von Gott sien Kjennichrikj kaun ons selfst uk väl Freid jäwen. Ea du loosjeist toom prädjen, denkj äwa daut goode no, waut Gott sien Kjennichrikj oppe Ieed doonen woat.

Tweedens: De Norecht, waut wie prädjen, halpt de Menschen em jeisteljen un uk sest noch. Daut jeft dee de Hopninj, eewich to läwen, un dee lieren Jewanheiten tochtoloten, waut dee schoden (Jes 48:17-18; Ree 1:16). Stal die väa, doa wia een grootet Owwada ooda Ieedbäben un du wust de Menschen doa halpen. Wan eenje de Help uk nich aunneemen, wurscht du doawäajen nich opphieren, oba dee sieekjen, waut daut wullen (Mat 10:11-14).

Dreddens: Wan wie prädjen, iea wie Jehova. Daut es daut wichtichste. Hee räakjent daut väl, wan wie Zeichnis jäwen (Jes 43:10, NW; Heb 6:10). Un hee jeft ons wellich sienen heiljen Jeist, daut wie daut doonen kjennen. Doawäajen bäd Jehova om Freid, waut derch dän heiljen Jeist kjemt (Gal 5:22). Met siene Help kaust du de Angst äwakomen un brow prädjen (Apj 4:31). Dan woascht du met Freiden prädjen kjennen, endoont woo de Menschen sent (Hes 3:3).

Woo wurscht du wellen em Deenst sennen? Woo kaust du wiesen, daut du Freid hast?

KJIKJ DAUT VIDEO DERCH STUDIEREN UN NODENKJEN WADA FREID KJRIEEN UN DAN DENKJ ÄWA DISE FROAGEN NO:

  • Wan wie uk väl Stunden de Moonat prädjen, wuarom sell wie emma daut ieeschte doarom todoonen sennen, daut wie em jeisteljen goot jenäat sent?

  • En waut fa Stekjen sull wie Maria nodoonen?

  • Wanea nemst du die Tiet, om äwa Gott sien Wuat notodenkjen?

  • Wuarom hast du Freid, wan du de goode Norecht prädichst?