Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Ons christeljet Läwen un Deenst – Schoolheft  |  Jaunewoa 2016

 ONS CHRISTELJET LÄWEN

Tal wie de Städen, wua wie Jehova aunbäden, fa waut besondret?

Tal wie de Städen, wua wie Jehova aunbäden, fa waut besondret?

Dän Tempel fa Jehova to buen wia väl Oabeit un kjeem sea dia. Oba de Israeliten jeewen äa bastet, om doa mettohalpen (1Ch 29:2-9; 2Ch 6:7-8). Doaraun, woo de Israeliten dän Tempel lota en Ordninj hilden, wia to seenen, aus dee jeistlich wieren ooda nich (2Kj 22:3-6; 2Ch 28:24; 29:3). Vondoag dän Dach bruck wie uk väl Tiet un Krauft, om Vesaumlungshiesa un Kongresshiesa to buen un dee rein un en Ordninj to hoolen. Dise Oabeit es Poat von onsen Deenst fa Gott un es waut sea besondret, wiels soo kjenn wie met Jehova toopschaufen (Ps 127:1; Opb 7:15).

WAUT KJENN WIE DOONEN?

  • No jieda Toopkomen fein oppriemen. Wan eenem daut nich mäajlich es, dan kaun eena daut doa rom eenem sienen Stool oppriemen.

  • Methalpen, wan daut Vesaumlungshus besorcht ooda derchjegonen woat. Wan doa een deel methalpen, jeit daut väl bäta un de Oabeit es schwind jedonen (lv 92-93 V. 18).

  • Gowen jäwen. Veleicht kjenn wie mau weinich jäwen, oba wan wie daut von Hoaten doonen, freit Jehova sikj (Mar 12:41-44).

  • Veleicht kjenn wie methalpen, wan Vesaumlungshiesa ooda aundre Jebieda jebut ooda oppjefrescht woaren. Du kaust uk dan methalpen, wan du dise Oabeit noch nich ea jedonen hast.