Trigj nom Enhault

No de Enhaultslist gonen

 ONS CHRISTELJET LÄWEN

Ons em Prädichtdeenst vebätren: Doaropp schaufen, eenen Wadabesuch to moaken

Ons em Prädichtdeenst vebätren: Doaropp schaufen, eenen Wadabesuch to moaken

WUAROM DAUT JEDONEN SAUL:

Wie wellen de biblische Woarheit wesren, waut wie plaunten (1Ko 3:6). Waut sell wie doonen, wan doa wäa intressieet es? Daut wudd goot sennen, opp Enj von de Unjahoolunk eene Froag to stalen, wua wie daut näakjste Mol äwa räden kunnen. Daut moakt dänjanjen nieschierich, un ons es daut leichta, ons fa dän Wadabesuch reedtomoaken. Wan wie doa wada hangonen, dan kjenn wie sajen, daut wie jekomen sent, om doaräwa to räden, waut wie latst berät hauden.

WOO EENA DAUT DOONEN KAUN:

  • Wan du die eene Enleidunk toom prädjen reedmoakst, dan vejät nich de Froag, wua du daut näakjste Mol äwa räden west. De Auntwuat wurscht du die kjennen von daut Buak nämen, waut du aunbeeden west, ooda von eent von onse Bieekja toom studieren, waut du bie dän Wadabesuch brucken west.

  • Wan du met wäm fein räden kaust, dan saj dän, daut du daut wurscht jleichen, noch mol wada met am to räden. Saj dän uk de Froag, äwa dee du daut näakjste Mol räden wust. Proow ruttofinjen, woo du dän wada oppsieekjen kaust.

  • Wan du dän vesprakjst, to eene jewesse Tiet wadatokomen, dan doo daut uk (Mat 5:37).