Trigj nom Enhault

No de Enhaultslist gonen

 ONS CHRISTELJET LÄWEN

Kaust du Gott siene onsechtboare Ieejenschoften seenen?

Kaust du Gott siene onsechtboare Ieejenschoften seenen?

Wan du kalieeje Bloomen sitst, de Stierns aum Himmel ooda daut Jeruzh von eene Wotafaul hieescht, kaust du dan seenen, wäa daut jemoakt haft? De Schepfunk rom ons wiest ons kloa, waut Jehova fa een Gott es (Ree 1:20). Wan wie doaräwa nodenkjen, waut wie rom ons beoobachten kjennen, dan see wie Gott siene Macht, Leew, Weisheit, Jerajchtichkjeit un woo väl hee toom äwajen haft (Ps 104:24).

Woont von daut, waut Jehova jemoakt haft, sitst du jieda Dach? Wan du uk enne Staut wonst, kaust du Väajel un Beem seenen. Goot äwa Jehova siene Schepfunk notodenkjen, kaun ons halpen, daut wie ons nich soo väl Sorjen moaken un de Trubbels dän rajchten Plauz jäwen, un ons Gloowen aun Jehova woat jrata woaren, daut hee eewich fa ons sorjen kaun (Mat 6:25-32). Wan jie Kjinja haben, dan halpt dee to vestonen, waut vonne besondre Ieejenschoften Jehova haft. Je mea wie de Schepfunk räakjnen, je mea woa wie dän räakjnen, waut dee jemoakt haft (Ps 8:4-5).

KJIKJ DAUT VIDEO AUN JEHOVA SIENE SCHMOCKE SCHEPFUNK ES SIENE HARLICHKJEIT TO SEENEN – LICHT UN KALIA, UN DAN BEAUNTWUAT DISE FROAGEN:

  • Wuahäa kjenn wie Kalieren seenen?

  • Von waut kjemt schemmarieren?

  • Wuarom see wie veschiedne Kalieren en dän Lofthimmel?

  • Waut vonne besondre Kalieren kaust du bie junt seenen?

  • Woosoo sell wie ons Tiet nämen toom de Natua jescheit beoobachten?

Waut sajen daut Licht un de Kalieren ons äwa Jehova?