“Ekj woa daut bat doa brinjen, daut du un de Fru junt fientlich sent un uk daut dien Nokomen un äa Nokomen sikj fientlich sent. Hee woat dienen Kopp vekjwatschen un du woascht siene Hak vewunden.”

1. Mose 3:15

“Derch dienen Nokomen woaren aule Sorten Menschen oppe Ieed jesäajent woaren, wiels du hast doano jehorcht, waut ekj säd.”

1. Mose 22:18

“Lot dien Kjennichrikj komen; lot dienen Wellen oppe Ieed krakjt soo jedonen woaren aus em Himmel.”

Matäus 6:10

“De Gott, waut Fräd jeft, woat dän Soton boolt unja june Feet vekjwatschen.”

Reema 16:20

“Wan Gott am ieescht haft aules unja siene Kontroll jejäft, dan woat de Sän selfst uk wiesen, daut hee Gott unjadon es, dee am aules unja siene Kontroll jeef. Dan woat Gott de eensja Harscha sennen äwa aulem.”

1. Korinta 15:28

“Na jo, de Vespräakjungen worden Abraham un sienen Nokomen jejäft …: dän Christus. Un dan uk noch, wan jie Christus jehieren, sent jie werkjlich Abraham siene Nokomen”.

Galata 3:16, 29

“De Welt äa Kjennichrikj es onsen Harn un sienen Christus sien Kjennichrikj jeworden, un hee woat fa emma un eewich aus Kjennich rejieren.”

Openboarunk 11:15

“Soo, de groota Drach, de oole Schlang, wort raufjeheift, dee, waut ‘Beesa Fient’ un ‘Soton’ jenant woat un de gaunze Ieed veleit. Dee wort raufjeheift no de Ieed un siene Enjel worden met am toop raufjeheift.”

Openboarunk 12:9

“Hee neem dän Drach faust, de oole Schlang, waut de Beesa Fient un Soton es, un bunk dän fa 1,000 Joa.”

Openboarunk 20:2