DE 2. FROAG
Woo kaun eena Gott kjanen lieren?
“Dit Buak met daut Jesaz saul nich von dien Mul wajchkomen un du saust daut Dach un Nacht met eene leise Stemm läsen, soo daut du aules krakjt nokjemst, waut doabennen jeschräwen steit. Dan woat daut goot utkomen, waut du deist, un du woascht dan weis haundlen.”
Josua 1:8
“Dee läsden wieda opp ludes ut daut Buak, aulsoo daut Jesaz von dän woaren Gott, un läden daut kloa un dietlich ut, waut et to bedieden haud. Soo holpen see de Menschen to vestonen, waut doa jeläst wort.”
Nehemia 8:8
“Freid haft deejanja, waut sikj em Läwen nich no de Schlajchte äaren Rot recht, … Oba dee haft siene Freid aun Jehowa sien Jesaz un met eene leise Stemm läst dee daut Jesaz Dach un Nacht. … Aules, waut dee deit, woat goot utkomen.”
Psalm 1:1-3
“Fili̱ppus rand biesied dän un hieed daut, daut dee opp ludes de Schreften von dän Profeet Jesa̱ja lauss. Un hee fruach dän: ‘Kaust du daut werkjlich vestonen, waut du doa läst?’ Dee säd: ‘Na, woo wudd ekj daut vestonen kjennen, wan mie daut kjeena kloa moakt?’”
“Wan wie Gott uk nich seenen kjennen, es daut oba kloa to seenen, woo hee es, wan wie daut unjasieekjen, woo de Welt erschaufen es. Siene eewje Krauft un daut hee werkjlich Gott es, es aun daut to seenen, waut hee jemoakt haft. Derch disen Bewies haben soone kjeene Uträd.”
“Denkj deep äwa dise Sachen no un laj die gaunz doahinja, daut et fa aule Menschen kloa to seenen es, daut du veraunkjemst.”
“Well wie eena om dän Aundren bedocht sennen un ons oppmuntren, Leew to wiesen un goode Woakjen to haben. Well wie uk nich de Toopkomes utloten”.
“Wan irjentwäm von junt daut aun Weisheit fält, dan saul dee Gott emma wada doano froagen un dän woat de Weisheit jejäft woaren, wiels Gott jeft aule sea friejäwrich, onen äant waut väatohoolen.”
