Trigj nom Enhault

No de Enhaultslist gonen

6. Wua sent dee, waut jestorwen sent?

6. Wua sent dee, waut jestorwen sent?

1 WAN DE MENSCH JESTORWEN ES, DAN ES DEE NICH MEA

“De Vestorwne weeten nuscht” (Liera 9:5)

Waut woat met ons, wan wie stoawen?

2 JEHOVA WULL KJEENMOL HABEN, DAUT MENSCHEN STOAWEN SULLEN

“Von däm Boom, dee daut Vestentnis jäwen kaun, waut goot un schlajcht es, von däm saust du nich äten, wiels daut woat onbedinjt dienen Doot brinjen” (1. Mose 2:17)

Wuarom stoaw wie?

  • 1. Mose 3:1-6

    De Soton säd Eva nich de Woarheit doaräwa, waut woaren wudd, wan see Gott nich jehorcht. Aus Adam un Eva ojjehuarsom wieren, sindijden see un tolatst musten see stoawen.

  • 1. Mose 3:19

    Aus Adam ieescht doot wia, wia hee nich mea.

  • Reema 5:12

    De Sind es soo aus eene schlemme Krankheit, dee wie von Adam un Eva metjeorwen haben. Wie sent aula en Sind jebuaren; doawäajen mott jieda eena stoawen.

  • 1Korinta 15:26

    De Schreft sajcht, de Doot es een Fient.

3 DE WOARHEIT ÄWA DÄN DOOT TO WEETEN MOAKT ONS FRIE

“Wan een Mensch stoaft, kaun dee noch wada läwen? Ekj lua bloos daut . . . ekj aufjeleest sie” (Hiob 14:14)

Woo kaun ons daut von faulsche Lieren friemoaken, wan wie de Woarheit äwa dän Doot weeten?

  • 1Johanes 4:8

    De Lia von daut Halenfia moakt Jehova eenen schlajchten Nomen. Hee wudd niemols Menschen opp soone Wajch kjwälen.

  • Openboarunk 4:11

    Väle ferchten sikj fa de Doodje; dee veieren dee un bäden dee aun enne Städ Jehova. Oba Jehova es de woara Gott, un wie sellen bloos am deenen.