Trigj nom Enhault

No daut Unjamenu gonen

Jehova siene Zeijen

Plautdietsch

Waut es de Schreft fa die?

Waut es de Schreft fa die?

Wurscht du sajen, . . .

  • daut es een Buak, waut von kluake Menschen kjemt?

  • daut es een Buak met utjedochte Jeschichten?

  • daut es Gott sien Wuat?

 WAUT DE SCHREFT SAJCHT

“Aule Schreft [es] von Gott jejäft” (2. Timotäus 3:16, De Plautdietsche Bibel).

WAUT FA EENEN NUTZEN HAFT DAUT FA DIE, DAUT TO WEETEN?

Du kjrichst kloare Auntwuaten to diene wichtichste Froagen (Spricha 2:1-5).

Du finjst weisen Rot fa aules en dien Läwen (Psalm 119:105).

Daut jeft die eene goode Hopninj fa de Tiet, waut noch mol komen woat (Reema 15:4).

 WUAROM KJENN WIE ONS OPP DE SCHREFT VELOTEN?

Daut jeft oppet weinichste dree Jrind:

  • Dee wadasprakjt sikj kjeenmol. De Schreft es äwa eene Tiet von 1 600 Joa jeschräwen worden von ojjefäa 40 veschiedne Mana. De mieeschte von dise Mana kjanden sikj nich mol. Oba doch jeit daut en de gaunze Schreft om eene Hauptsach un daut stemt aula toop, waut doabennen jeschräwen es.

  • De Bibelschriewa wieren opprechtich. Em auljemeenen hoolen Schriewa daut jieren plietsch, wan biejlikj äa Volkj em Kjrich vespält haft. De Bibelschriewa oba schreewen aules krakjt soo opp, aus daut wia, uk äare ieejne Fäla ooda de Fäla von äa Volkj (2. Chronik 36:15-16; Psalm 51:3-6).

  • De Profezeiungen erfellen sikj emma. En de Schreft wia aul ojjefäa 200 Joa em verut jeprofezeit, daut de Staut Babel wudd enjenomen woaren (Jesaja 13:17-22). Doa wia nich bloos oppjeschräwen, woo Babel wudd enjenomen woaren, oba uk de Nomen von dän Kjennich, waut daut doonen wudd (Jesaja 45:1-3).

    Uk väle aundre Profezeiungen ut de Schreft haben sikj erfelt. Doa es nuscht utjebläwen. Daut es een kloara Bewies doafäa, daut de Schreft Gott sien Wuat es (2. Petrus 1:21).

 ÄWALAJ MOL

Waut fa eenen Nutzen kaun Gott sien Wuat fa dien Läwen haben?

De Auntwuat es en de Schreft to finjen, en JESAJA 48:17-18 un 2. TIMOTÄUS 3:16-17.

Noch mea doaräwa

EENE GOODE NORECHT VON GOTT

Kjemt de goode Norecht opp iernst von Gott?

Wuarom kaun eena daut jleewen, waut de Schreft sajcht?