Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Waut lieet de Schreft werkjlich?

 AUNHANK

Es Jesus em Dezamba jebuaren?

Es Jesus em Dezamba jebuaren?

EN DE Schreft sajcht daut nich, aun woonen Dach Jesus jebuaren es, oba dee jeft auntovestonen, daut daut nich em Dezamba wia.

Woo kjenn wie daut weeten? Een Hanwies es daut Wada en Betlehem, en de Staut, wua Jesus jebuaren es. En de judische Moonat Kislew (tweschen Nowamba un Dezamba) wia daut kolt un räajnisch. De näakjste Moonat wia Tebet (tweschen Dezamba un Jaunewoa). Dit wia de kolste Moonat em Joa un eenjemol deed daut doa soogoa schnieen. Waut sajcht de Schreft äwa daut Wada en de Omjäajent von Betlehem?

Von dän Bibelschriewa Esra weet wie, daut de Moonat Kislew auljemeen kolt un räajnisch wia. Esra schreef: “Dan  vesaumelden sikj aule Mana . . . en Jerusalem. Daut wia aum 20. Dach en de 9. Moonat [Kislew]. Un daut Volkj saut aula opp däm Plauz ver daut Gotteshus, un zettad . . . wäajen dän streemenden Räajen.” De Menschen, waut doa wieren, säden: “Daut räajent; hia jeit nich buten to stonen” (Esra 10:9, 13; Jeremia 36:22). Doawäajen wullen de Schophoads en dise Jäajent em Dezamba uk nich met äare Schop de Nacht oppe Stap bliewen.

Oba de Schreft sajcht, daut en dee Nacht, aus Jesus jebuaren wort, de Schophoads met äare Schop oppe Stap wieren. En daut Lukasevangelium kjenn wie noläsen: “En dee Jäajent [dicht bie Betlehem] wieren en dee Nacht Schophoad opp de Stap un woakten äwa äare Häad” (Lukas 2:8-12). Dee wieren doa nich bloos äwa Dach, dee bleewen doa soogoa Nacht. Wudden de Schophoads daut jedonen haben, wan daut wia koldet un räajnischet Wada jewast, soo aus daut doa em Dezamba jeweenlich wia? Nä, secha nich. Daut wiest, daut Jesus nich em Dezamba jebuaren es. *

De Schreft sajcht krakjt, wanea Jesus storf, oba nich, wanea dee jebuaren es. Daut es soo, aus de Kjennich Salomo mol säd: “Goot aunjeseenen sennen es bäta aus scheene Saulw; de Dach, wan eena stoaft, es bäta aus de Dach wan eena jebuaren es” (Liera 7:1). Doawäajen jroz steit en de Schreft väl von Jesus sienen Deenst un dän sienen Doot jeschräwen, oba mau weinich doavon, wanea dee jebuaren es.

En dee Nacht, aus Jesus jebuaren wort, wieren Schophoads met äare Schop oppe Stap

^ Varsch 1 En daut Buak Unterredungen anhand der Schriften opp de Sieden 153-156 jeit noch mea doaräwa notoläsen. Daut es bie Jehova siene Zeijen to haben.