Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Programblaut fa dän Kongress 2017

Toom weeten fa dee, waut toom Kongress komen

Toom weeten fa dee, waut toom Kongress komen

BESONDRE TOOPKOMES

BETELDEENST Fa jedeepte Vekjindja von 35 Joa rauf, waut em Betel schaufen wellen, jeft daut Friedach no Meddach een Toopkomen. Daut woat bekauntjejäft woaren, wua un waut fa eenen Klockentiet daut es.

SCHOOL FA KJENNICHRIKJSVEKJINDJA Fa Pionieren, dee tweschen 23 un 65 Joa oolt sent un sikj doafäa intressieren, mea em Deenst to doonen, jeft daut Sindach no Meddach een Toopkomen äwa de School fa Kjennichrikjsvekjindja. Daut woat bekauntjejäft woaren, wua un waut fa eenen Klockentiet daut es.

 TOOM WEETEN FA DEE, WAUT TOOM KONGRESS KOMEN

DOKTARIE Denkj doaraun: Daut es bloos fa dee, waut doa KRANK WOAREN ooda VEOJJLEKJEN.

DOOP Verem Plautform sent fa deejanje uzhent Steela friejehoolen, waut sikj wellen deepen loten. Deejanje sellen sikj Sinowent ver Meddach, noch ea de Räd fa de Doop es, doa dolsaten. Wan sikj doa irjentwaut endat, woat daut em verut bekauntjejäft woaren. Jieda eena saul een Haunduak un paussende Bodkjleeda methaben.

FA VELOARNE SACHEN Aules, waut doa jefungen woat, saul no dise Städ jebrocht. Wan du waut veloaren hast, go doa han un see no, aus daut doa es. De Kjinja, waut sikj veloaren haben, sellen uk doa hanjebrocht. Oba daut es nich toom de Kjinja doa loten. De Elren sellen no äare Kjinja oppaussen un dee bie sikj haben.

FRIEWELJE OABEIT Wan du wurscht jleichen, opp dän Kongress irjentwua mettohalpen, dan mald die bie Aufdeelunk fa Informazion un friewelje Oabeit. Doa woaren dee die sajen, waut du doonen kaust.

GOWEN Daut kjemt sea dia, fa jenuach Settich to sorjen, fa Toontoobehia, fa Videotoobehia un aundre Sachen fa soo eenen Kongress, waut ons halpt, Jehova noda to komen. June friewelje Gowen halpen, aul dise Onkosten to betolen, un woaren uk jebrukt, om daut Woakj oppe gaunze Welt enne go to hoolen. Doatoo sent opp miere Städen Gowenkaustes oppjestalt. De Gowen von jieda eenem woaren sea jeschazt. De Väastaunt von Jehova siene Zeijen dankt junt doafäa, daut jie soo wellich sent, Gott sien Kjennichrikj to unjastetten.

ORDNUNGSDEENA De Ordnungsdeena sent aunjestalt to halpen, wan daut wua fält. Recht die toom Jefaulen doano, wan dee die sajen, wua du dien Foatich loten kaust, to wua du nengonen un rutgonen saust un wan daut om Settich friehoolen jeit ooda aundre Sachen.

SETTICH Denkj toom Jefaulen aun aundre. Vejät nich, daut du daut Settich bloos fa dee friehoolen doascht, waut met die toop en dautselwje Foatich reisen, met die toop wonen ooda waut met die de Bibel studieren. Laj toom Jefaulen nuscht opp de aundre Setten dicht bie die. Lot dee frie fa aundre.

Vom Väastaunt von Jehova siene Zeijen aunjestalt

 

Noch mea doaräwa

WÄA DEIT VONDOAG DÄN DACH JEHOVA SIENEN WELLEN?

Waut es een Betel?

Een Betel es eene besondre Städ, wua sea wichtje Oabeit jedonen woat. Wäa halpt doa met?

WÄA DEIT VONDOAG DÄN DACH JEHOVA SIENEN WELLEN?

Woo woaren de Pionieren utjelieet?

Waut fa besondre Schoolen jeft daut fa dee, waut äare gaunze Tiet toom prädjen brucken?

WÄA DEIT VONDOAG DÄN DACH JEHOVA SIENEN WELLEN?

Von wua kjemt daut Jelt fa Jehova siene Zeijen äa Woakj oppe gaunze Welt?

Waut es bie Jehova siene Zeijen aundasch aus bie de aundre Gloowes, wan daut om Jelt jeit?