Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

De Bibel: Om waut jeit daut doa bennen?

 KAPITEL 9

De Israeliten wellen eenen Kjennich

De Israeliten wellen eenen Kjennich

Saul, de ieeschta Kjennich, woat Gott ojjehuarsom un David woat en dän siene Städ Kjennich. Jehova moakt met am eenen Bunt fa een Kjennichrikj, waut fa emma bestonen woat.

NO Simson siene Tiet deend Samuel aus Profeet un aus Rechta en Israel. De Israeliten säden emma wada to Samuel, see wullen eenen menschlichen Kjennich haben, soo aus aundre Velkja. Uk wan Jehova sikj doaräwa beleidicht feeld, säd hee oba to Samuel, hee sull no daut Volkj horchen. Gott wäld Saul, eenen deemootjen Maun, toom Kjennich ut. Oba met de Tiet wort Saul huachmootich un ojjehuarsom. Jehova wees Saul aus Kjennich auf un wäld eenen aundren ut. Hee säd to Samuel, hee sull dän jungen David toom Kjennich bestemmen. Oba daut wudd noch Joaren dieren, bat David ieescht rejieren wudd.

Aus David noch mau een Jugentlicha wia, jinkj hee eemol siene Breeda besieekjen, waut en Saul siene Armee deenden. De Kjrichsmana wieren aula veenjst wäajen eenen Soldot von äare Jäajna, waut Goliat heet. Daut wia een Ries, waut meist 3 Meeta huach wia. Dee deed de israelitische Soldoten un dee äaren Gott stätswäarent vespotten. David, dän wia daut too väl un hee äwaneem sikj, jäajen Goliat to kjamfen. Hee haud bloos eenen Schleida un een poa Steena un doamet jinkj hee dän Ries entjäajen. Goliat haud sikj domm äwa David. Oba David säd, hee wia bäta bewaufnet aus Goliat, wiels hee kjamft en Jehova sienen Nomen. Bloos met eenen Steen muak David Goliat doot. Dan neem David Goliat sien Schwieet un muak dän doamet dän Kopp auf. Aus de Filista daut sagen, randen dee wajch.

Ieeschtlich bewundad Saul David, daut dee soo äwanäment wia, un muak dän to eenen Väaschten en siene Armee. Oba aus David emma mea Erfolch haud, wort Saul dän bettalich aufjenstich un wull dän ombrinjen. David must weichen un must sikj joarenlank fa Saul vestäakjen. Oba David bleef Saul doawäajen tru, wiels dee von Jehova Gott wia toom Kjennich jewält worden. Schlieslich storf Saul en eenen Kaumf. Un kort nodäm wort David Kjennich, krakjt soo aus Jehova vesproaken haud.

“Sien Rikj woat opp emma bestonen bliewen” (2. Samuel 7:13)

David wull sea jieren fa Jehova eenen Tempel buen. Oba Jehova säd, daut daut eena von siene Nokomen doonen wudd. Lota stald sikj rut, daut sien Sän Salomo daut sennen wudd. Gott beloond David oba un muak eenen besondren Bunt met am. Hee vespruak David, siene Nokomen wudden gaunz besondre Kjennichs sennen. Von dee wudd de Rada aufstaumen, dee em Goaden Eden verutjesajcht wia. Daut wudd de Messias sennen, waut “Jesaulwda” bediet. Jehova wudd dän toom Kjennich moaken en een Kjennichrikj, waut fa emma wudd bestonen.

David wia Jehova sea dankboa. Hee jeef väl Väarot uk Golt un Selwa toom dän Tempel buen. Hee schreef uk väle Leeda, ooda Psalmen, waut en de Bibel to finjen sent. David wist, daut Jehova emma met am jewast wia. Ea hee storf, säd hee: “Däm HARN sien Jeist rät to mie; siene Wieed sent en mien Mul” (2. Samuel 23:2).

Stett sikj opp de Bibelbieekja 1. Samuel, 2. Samuel un 1. Chronik un opp Jesaja 9:6, Matäus 21:9, Lukas 1:32 un Johanes 7:42.

Noch mea doaräwa

DE BIBEL: OM WAUT JEIT DAUT DOA BENNEN?

Goode un schlajchte Kjennichs

Wuahäa wort Israel en twee Kjennichrikjs jedeelt?