Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

De Bibel: Om waut jeit daut doa bennen?

Daut loont sikj, de Bibel to unjasieekjen

Daut loont sikj, de Bibel to unjasieekjen

Woo goot kjanst du de Bibel? Kjeen aundret Buak es soo besonda un soo wiet vebreet worden aus de Bibel. Menschen äwaraul haben doa bennen Troost un Hopninj jefungen, uk gooden Rot fa äa Läwen. Un doch jeft daut vondoag väle, waut mau weinich von de Bibel weeten ooda nich mol eenen Gloowen haben. Wurscht du oba jieren wellen mea von de Bibel weeten? Dit Heft saul die eene Iedee jäwen, om waut daut en de Bibel jeit.

EA DU eene Bibel nemst un aunfangst doa bennen to läsen, es daut goot to weeten, woo dee toopjestalt es. Rajcht jesajcht besteit de Bibel von 1. Mose bat de Openboarunk ut 66 eenselne Bieekja. Väle sajen to de Bibel uk de Heilje Schreft.

Von wäm es de Bibel? Daut es eene goode Froag. Oppjeschräwen wort dee ojjefäa von 40 veschiedne Mana un daut dieed bie 1600 Joa. Oba de Schriewa haben nienich behaupt, daut de Bibel von an wia. Eena von de Schriewa säd: “Aule Schreft es von Gott jejäft” (2. Timotäus 3:16, Footnoot). Een aundra säd: “Däm HARN sien Jeist rät to mie; siene Wieed sent en mien Mul” (2. Samuel 23:2). De Schriewa jeewen aulsoo to vestonen, daut de Bibel von Jehova Gott es, dän hechsten Harscha, un daut dee well, daut de Menschen am kjanen lieren.

Om de Bibel to vestonen, mott wie noch waut weeten. En de gaunze Bibel jeit daut om eene Hauptsach. Daut es, daut Gott sien Kjennichrikj bewiesen woat, daut Gott daut Rajcht haft, äwa de Menschen to rejieren. En dit Heft woascht du seenen, woo dise Hauptsach enne Bibel von 1. Mose bat de Openboarunk to finjen es.

Unjasieekj wie aulsoo, om waut daut en de Bibel jeit.

^ Varsch 9 Dotems un Joazolen kaun eena veschieden aunjäwen. En dit Heft bediet v. o. T. “ver onse Tieträakjninj” un e. o. T. bediet “en onse Tieträakjninj”. Eenje sajen doatoo uk “ver Christus” un “no Christus”. Unjen opp de Sieden kaust du eene Lienje seenen, wua de Joazolen soo aus dit aunjejäft sent.