Trigj nom Enhault

No de Enhaultslist gonen

 POAT 8

Derch Jlikjnisen lieren

Derch Jlikjnisen lieren

Matäus 13:34-35

TOOPFOTUNK: Vebäta die doaderch em lieren, daut du eefache Jlikjnisen brukst, waut diene Toohiera intressieren un wua dee waut von lieren kjennen.

WOO EENA DAUT DOONEN KAUN:

  • Bruck eefache Jlikjnisen. Doo soo aus Jesus waut kjlienet brucken toom waut grootet utlajen un waut eefachet toom waut schwoaret utlajen. Doo bie daut Jlikjnis nich onneedich Kjlienichkjeiten bie, waut daut bloos schwanda moakt, daut to vestonen. See doano, daut dien Jlikjnis bie daut biepaust, waut du lieren west, soo daut diene Toohiera von daut Jlikjnis nich aufjelenkjt woaren.

  • Denkj aun diene Toohiera. Bruck soont en diene Jlikjnisen, waut fa diene Toohiera bekaunt un uk intressaunt es. Pauss uk opp, daut sikj kjeena wäajen diene Jlikjnisen schämen mott ooda beleidicht es.

  • Wies, waut de Lia es. Kjikj doano, daut du fa de Hauptiedeeen en dien Poat Jlikjnisen brukst un nich fa Kjlienichkjeiten. Moak secha, daut diene Toohiera nich bloos daut Jlikjnis em Denkj hoolen woaren, oba uk, waut daut Jlikjnis sajen well.